Arap ligasy Eýrany Husilere roketa bermek bilen aýyplady
Arap ligasy Eýran meselesini ara alyp maslahatlaşmak üçin Kairde jemlenişdi
Arap ligasyna agza ýurtlaryň daşary işler ministrleri adatdan daşary ýagdaýda Eýran meselesini ara alyp maslahatlaşmak üçin Kairde jemlenişdi.
Saud Arabystanynyň çakylygyna laýyklykda Müsüriň paýtagty Kairdäki Arap ligasynyň merkezi jaýynda geçirlen maslahatda Eýran Husilere roketa bermek bilen aýyplandy.
Arap ligasyna agza ýurtlaryň daşary işler ministrleri Tähranyň sebitdäki täsiriniň azaldylmagy üçin birlikde hereket edilmegi çagyryşyny berdi.
Arap ligasynyň Baş sekretary Ahmed Abu Geýt maslahatyň açylyş dabarasynda sözlän sözünde Eýranyň Husilere roketa berendigini aýtdy.
Ahmed Abu Geýt “Ýemende çaknyşyklaryň başlan gününden bäri 332 balistiki roketa ulanyldy. Şol roketalar Eýrandan gelýär. Eýran Arap ýurtlaryna garşy başbozarlara goldaw berýär” diýdi.
Bahreýiniň Daşary işler ministri Halid Bin Ahmed Al Halife hem Liwana çagyryş berdi
Al Halife “Liwan Hizbullahyň hüjümleri bilen Yrak, Siriýa, Ýemen we Bahreýin ýaly goňşy ýurtlardaky ähli hüjümleriň jogapkärçiligini öz üstüne almaly” diýdi.
Eýranyň Arap ýurtlarynyň howpsyzlygyna wehim salýandygyny aýdan Al Halife, Eýranyň sebitde Hizbullah ýaly terror guramalary bilen hyzmatdaşlyk edýändigini belledi.
Degişli Habarlar
Ysraýylly Ýesirleriň Hossarlary Protest Ýörişlerini Dowam Etdirýär
Protestçylar Netanýahunyň ýolbaşçylygyndaky hökümetden ýesirleriň yzyna getirilmegini talap etdi.
ABŞ-nyň Prezidenti Baýden Ukraina we Ysraýyla Goşmaça Harby Kömegiň Berilmegini Tassyklady
Baýden, Ukraina 61, Ysraýyla hem 26 milliard dollarlyk harby kömegiň berilmegini tassyklady.