Dört ýurt Katary günäkärledi
Saud Arabystany, Birleşen Arap Emirlikleri, Bahreýn we Müsür Katary krizisiň çözgüdi üçin alynyp barylýan ähli diplomatik tagallalary boşa çykarmak bilen günäkärledi
Ady agzalan 4 ýurt Kataryň talap sanawyna beren jogabyny Kuweýdiň Emiri Şeýh Sabah El-Ahmed El-Jabir Es-Sabahdan alanlaryndan soň bilelikde ýazmaça beýanat berdi.
Bu ýurtlaryň habarlar gulluklary tarapyndan aýan edilen beýanatda Kataryň hökümediniň talaplara beren jogabyny “Kesirlik” we “Garşy durmak” hökmünde häsýetlendirildi.
“Katar krizisiň çözgüdi üçin alynyp barylýan ähli diplomatik tagallalary boşa çykardy” diýilip günäkärlenýän beýanatda ady agzalan 4 ýurdyň howpsyzlygyny we asudalygyny gorajak ýagdaýda amatly bir wagtda hukuk, ykdysady we syýasy taýdan ähli çäreleri görjekdigi mälim edildi.
Katar berilen möhlediň dolandygy we talaplaryň mundan beýläk güýçsizdigi aýdylýan beýanatda: “Kataryň talaplary kabul etmezligi, terror guramalary bilen bolan aragatnaşygynyň göwrümini görkezýär” diýildi.
Degişli Habarlar
Ysraýyl 201 Günden Bäri Gazany Bombalaýar
Gaza Sektorynda ýogalanlaryň sany soňky 24 sagatda 79 adam artyp 34 müň 262 adama ýetdi.
