Russiýa Owganystan temaly maslahata ABŞ-ny gatnaşmaga çagyrdy
Russiýa 14-nji aprelde paýtagt Moskwada geçirilmegi meýilleşdirilýän Owganystan temaly maslahata ABŞ-ny gatnaşmaga çagyrdy
Russiýanyň Prezidenti Wladimir Putiniň Owganystan boýunça ýörite wekili Zamir Kabulow rus metbugatynda beren beýanatynda: “Fewral aýynda sebitiň ähli ýurtlarynyň gatnaşmagynda maslahat geçirdik. 14-nji aprelde şol maslahaty has hem giňelderis. Orta Aziýanyň 5 ýurdunyň wekillerini we ABŞ-ny maslahata çagyrdyk” diýdi.
Rus dipolmat ABŞ-nyň maslahata gatnaşyp-gatnaşmajakdygyny enten bilmeýändiklerini belledi.
Talibanyň maslahat gatnaşmajakdygyny aýdan Kabulow: “Bu gepleşiklere hökümediň we döwlediň wekilleri gatnaşýar. Taliban herekedi bolsa hökümet däl” diýdi.
15-nji fewralda Moskwada geçirilen Owganystan temaly maslahata Russiýanyň, Pakistanyň, Hytaýyň, Eýranyň, Hindistanyň we Owganystanyň wekilleri gatnaşdylar.
14-nji aprelde geçirilmegi meýilleşdirilýän maslahada bolsa 12 ýurduň wekilleriniň gatnaşmagyna garaşylýar.
Degişli Habarlar
Ysraýyl 201 Günden Bäri Gazany Bombalaýar
Gaza Sektorynda ýogalanlaryň sany soňky 24 sagatda 79 adam artyp 34 müň 262 adama ýetdi.