"Türkiýe Respublikasynyň döredilen gününiň 93 ýyllygy mynasibetli türk halkyny mähirli gutlaýaryn”

Jon Kerri 15-nji iýuldaky agdarlyşyk synanşygynda ýogalanlaryň hossarlaryna ýene-de bir gezek gynanç bildirdi

598824
"Türkiýe Respublikasynyň döredilen gününiň 93 ýyllygy mynasibetli türk halkyny mähirli gutlaýaryn”

ABŞ-nyň Döwlet sekretary Jon Kerri türk halkyny 29-njy oktýabr garaşsyzlyk, respublika baýramy bilen gutlady.

Kerri mesele hakynda beren ýazmaça beýanatynda, “ABŞ-nyň Prezidenti Barak Obamanyň we amerikan halkynyň adyndan Türkiýe Respublikasynyň döredilen gününiň 93 ýyllygy mynasibetli türk halkyny mähirli gutlaýaryn” diýdi.

ABŞ-nyň esasy hyzmatdaşlaryndan biri bolan Türkiýäniň demokratiýa arkaly saýlanan hökümetine we türk halkyna goldaw bermäge dowam etjekdiklerini aýdan Jon Kerri 15-nji iýuldaky agdarlyşyk synanşygynda ýogalanlaryň hossarlaryna ýene-de bir gezek gynanç bildirýändigini belledi.

Kerri Türkiýe bilen ABŞ-nyň Siriýa urşy, global bosgun meselesi we terror howpy ýaly birnäçe ugur boýunça ýakyndan hyzmatdaşlyk etmäge dowam etjekdigini ýatlatdy.

 



Degişli Habarlar