Bagdatda guralan hüjümde 11 adam ýogaldy

Yragyň paýtagty Bagdatda guralan iki aýry hüjümde 11 adam ýogaldy, 19 adam ýaralandy.

Howpsyzlyk güýçleriniň berýän maglumatyna görä, bomba ýüklenen ulagyň Bagdadyň demirgazyk gündogarynda ýerleşýän Al Meşahide etrapçasynda ýarylmagy sebäpli 5 adam ýogaldy, 11 adam ýaralandy.

Paýtagt Bagdadyň demirgazygynda ýerleşýän Al Musenna köprüsiniň golaýynda halkara hyzmatdaş güýçleriniň we hökümetiň gözegçiligi astyndaky zolakda hem bomba ýüklenen ulagyň ýarylmagy sebäpli 6 adam ýogaldy, 8 adam ýaralandy.

Hüjümleriň jogapkärçiligini öz üstüne alan bolmady.