Russiýa S-300 roketa ulgamlaryny Eýrana berer
Rus ýolbaşçylar orta diapazonly S-300 roketa ulgamlaryny Eýrana bermek bilen baglanşykly ylalaşyga gol çekişilendigini habar berdi
Dubaýdaky ýarag sergisinde beýanat beren Russiýanyň ýarag firmasy Rostekiň başlygy Sergeý Çimezow ýaraglaryň ugrdaylmagy bilen baglanşykly ylalaşyga gol çekilenden soň, resmi Tähranyň Ženewadaky Halkara kazyýetde Russiýa garşy gozgan 4 milliard dollarlyk kazyýet işini yzyna aljakdygyny mälim etdi.
Çimezow S-300 roketa ulgamlarynyň haýsy wersiýasyny we haçan ugradyljakdygy barada bolsa maglumat bermedi.
Russiýa bilen Eýran 2007-nji ýylda 5 sany S-300 roketa ulgamynyň satuwy baradaky ylalaşyga gol çekişipdi.
Eýran ylalaşyga laýyklykda 800 million dollaryň 166 million dollaryny göni nagt töläpdi.
Emma 2010-njy ýylda BMG-nyň karary bilen Russiýa roketalaryň Eýrana tabşyrylmagyny soňa goýupdy.
Eýran bilen Günbatar döwletleriň arasynda baglaşylan ýadro ylalaşygyndan soň, Russiýanyň döwlet ýolbaşçysy Wladimir Putin roketalaryň Eýrana tabşyrylmagynyň öňüni açypdy.
Degişli Habarlar
Dünýäde Täze Bir Söweş Döwri Başlady
Polşanyň Premýer-ministri Donald Tusk dünýäde täze bir söweş döwrüniň başlandygyny beýan etdi.
Moskwada Guralan Hüjümde Ýogalanlaryň Sany 144 Adama Ýetdi
Muraşko, hassahanalarda 17-si agyr 69 adamyň bejergisiniň dowam edýändigini ýatlatdy.