قطر تیمینین گئییمینی گئیدی، توتوقلاندی

قطر میلی تیمی گئییمی گئیه‌رک اویونو ایستادیومدا ایزله‌مه‌یه باشلادی

قطر تیمینین گئییمینی گئیدی، توتوقلاندی

بیر اینگیلیس وطنداشینین، قطر میلی تیمی گئییمی گئیه‌رک اویون ایزله‌دیگی اوچون بیرلشمیش عرب امیرلیکلرین‌ده توتوقلاندی.

اینگیلتره مطبوعاتین‌دا یئر آلان خبرلره گؤره، ۲۶ یاش‌لی علی عیسی احمد، گئچه‌ن آی آسیا کاپی چرچیوه‌سین‌ده اوینانان قطر-عراق اویونونو ایزله‌مک اوچون بیرلشمیش عرب امیرلیکلرینه گئتدی.

بیرلشمیش عرب امیرلیکلرینده قطره هر هانسی بیر دستک وئرمه‌نین سوچ اولدوغونو بیلمه‌یه‌ن اینگیلیس وطنداشی، قطر میلی تیمی گئییمی گئیه‌رک اویونو ایستادیومدا ایزله‌مه‌یه باشلادی.

اویون داوام ائدرکه‌ن گؤزآلتینا آلینان علی عیس احمد، بو سیرادا پیس رفتارا ده معروض قالدی.

داها سونرا سربست بوراخیلان اینگیلیس وطنداشی، معروض قالدیغی دوروم حاقین‌دا شیکایت ائتمک اوچون گئتدیگی قاراقولدا یئنیدن گؤزآلتینا آلیندی.

اساس‌سیز شکایت ایله سوچلانان علی عیسی احمد، توتوقلاناراق حبسه گؤندریلدی.

گاردین قزئتینه دانیشان گنجین یولداشی امر لوکیه، علی عیسی احمدین اؤزونو حبس‌خانادان آرادیغیندا "چوخ قورخدوغو"ایزله‌نیمی سئچدیگینی سؤیله‌دی.

بیرلشمیش عرب امیرلیکلرینده تمل حاقلارا دایر چالیشمالار آپاران دتیند این دوبایی آدلی قروپا گؤره، علی عیسی احمده ۱۵ ایله قدر حبس جزاسی وئریله‌بیلر.

بؤیوک بریتانیانین خاریجی ایشلر باخانلیغی وطنداشلارینین حبس اولوندوغونو اونایلادی و دستک وئریلدیگینی بیلدیردی.

بیرلشمیش عرب امیرلیکلری، داها اؤنجه ده آکادمیسین اینگیلیس وطنداشی متیو هدجه جاسوسلوق سوچلاماسی ایله عؤمورلوک حبس جزاسی وئرمیش، لندنین باسقیسینین آردین‌دان جزانی عفو ائتمک مجبوریتینده قالمیشدی.

بیرلشمیش عرب امیرلیکلری، سعودی عربیستان و بحرین ایله بیرلیک‌ده ژوئن ۲۰۱۷دن بری قطره قوشادما اویقولاییر.



ایلگیلی‌لی خبرلر