"رئال" و "منچستر سیتی"دن دارماداغین، "یوونتوس" اودوزدو

سون اویون گونونده ده 8 قارشیلاشما کئچیریلیب.

"رئال" و "منچستر سیتی"دن دارماداغین، "یوونتوس" اودوزدو

فوتبول عذره یوفا شامپیونلار لیگینده قروپ مرحله‌سی‌نین 4-جو تورونا یئکون وورولوب.

 سون اویون گونونده ده 8 قارشیلاشما کئچیریلیب.

گونون ماراقلا گؤزلنیلن موسابیقه سی ایتالیادا اولوب. "یوونتوس" "منچستر یونایتد"له اوز-اوزه گلیب. تورین تمثیلچی‌سی 3-جو توردا رقیبینی سفرده مغلوب ائتمیشدی - 1:0. "یوونتوس" بو قارشیلاشمادا دا غلبه قازاناجاغی تقدیرده، نوبتی مرحله‌نی تامین ائده‌جکدی. حسابی دا تورین‌لی‌لر آچیب‌لار. اما "قیرمیزی شیطان‌لار" سون دقیقه‌لرده آردیجیل 2 گل وورماقلا عزمکار غلبه قازانماغا نایل اولوب‌لار.

تورنیرین سون غالیبی "رئال" ایسه سفرده "ویکتوریا" ایله قارشیلاشیب. مادریدلی‌لر ائودکی موسابیقه ده رقیبینی 2:1 حسابی ایله اوسته‌له‌میشدی. "کرال کلوبو" سفرده داها بؤیوک حسابلا - 5 جاواب‌سیز گل ایله غلبه قازانیب.

"منچستر سیتی" دونتسک "شاختار"او ایله گؤروشده داها ایناملی غلبه قازانیب. "شهرلی‌لر" 6 جاواب‌سیز گل ایله سئوینیب‌لر. "بایرن مونیخ" دا آاک سدینی 2 جاواب‌سیز گل ایله کئچیب.

یوفا شامپیون‌لار لیگی

4 -جو تور

7 نوامبر

E قروپو

بایرن مونیخ (آلمانیا) – آاک (یونانیستان) 0:2

بنفیکا (پرتغال) – آژاکس (هولند ) 1:1

F قروپو

المپیک لیون (فرانسا) – هافنهایم (آلمانیا) 2:2

منچستر سیتی (اینگیلتره) – شاختار (دونتسک، اوکراینا) 0:6

G قروپو

زسکا (مسکو، روسیا) – آس رم (ایتالیا) 2:1

ویکتوریا پلژن (چک) - رئال مادرید(ایسپانیا) 5:0

H قروپو

والنسیا (ایسپانیا) – یانگ بویز (سوئیس) 1:3

یوونتوس (ایتالیا) - منچستر یونایتد (اینگیلتره) 2:1



ایلگیلی‌لی خبرلر