ایلین ان یاخشیلاری سئچیلیر

ذیروه‌یه چیخاجاق آدلار، اینگیلتره‌نین باشکندی لندن‌ده ۲۴ سپتامبردا دوزنله‌نه‌جک مراسیم ایله بللی اولاجاق

ایلین ان یاخشیلاری سئچیلیر

فیفا ایلین ان یاخشی فوتبالچیسی، مربیسی، قاپی‌چیسی و گلو کاتگوریلرین‌ده فینالا قالان نامیزدلری آچیقلادی.

ایلین ان یاخشی فوتبال‌چی نامیزدلری آراسین‌دا رئال مادریددن مودریچ، یوونتوسدان رونالدو و لیورپول‌دان صلاح سون اوچه قالدی.

ان یاخشی کیشی باش مشق‌چیلر آراسین‌دا ایسه یوفا شامپیونلار لیگینی اوست اوسته اوچ دفعه قازانان و رئال مادریددن آیریلان زین‌الدین زیدان، فرانسا میلی تیمی ایله ۲۰۱۸ فیفا دونیا کاپینی قازانان دیدیه دشان ایله دونیا کاپین‌دا فینال اوینایان کورواسی میلی تیمینین باش مشق‌چی زلاتکو دالیچ نامیزد گؤستریلدی.

ایلین ان یاخشی قاپی‌چیلاری آراسین‌دا فرانسا میلی تیمی و تاتنهامین قاپی‌چی‌سی هوگو لوریس، لستر سیتی‌لی کاسپر اشمایکل و رئال مادریددن بلژبکلی تیبو کورتوا فینال‌دا یاریشمایا حاق قازاندی.

کاتگوریلرین‌ده ذیروه‌یه چیخاجاق آدلار، اینگیلتره‌نین باشکندی لندن‌ده ۲۴ سپتامبردا دوزنله‌نه‌جک مراسیم ایله بللی اولاجاق.



ایلگیلی‌لی خبرلر