رئال مادرید و بایرن مونیخ یاریم فینالدا

فوتبول عذره یوفا شامپیونلار لیگینده 1/4 فینال مرحله‌سی باشا چاتیب.

رئال مادرید و بایرن مونیخ یاریم فینالدا

فوتبول عذره یوفا شامپیونلار لیگینده 1/4 فینال مرحله‌سی باشا چاتیب.

سون اویون گونونده ایکی گؤروش باش توتوب.

ایسپانیا شامپیونو "رئال مادرید" دوغما میداندا ایتالیانین ان گوج‌لوسو "یوونتوس"لا قارشیلاشیب. سفرده 3 جاواب‌سیز گل ایله قالیب گلمیش مادرید تمثیلچی‌سی‌نین جاواب گؤروشونده بو اوستون‌لوگو الدن وئرمه‌سی ایناندیریجی گؤرونموردو. اما بیر گون اؤنجه "روما"نین "بارسلونا" ایله اویون‌داکی مؤحتشم گئریدؤنوشون‌دن ایلهام‌لانان ایتالیا شامپیونو دا سفرده چوخ بؤیوک سورپریزه ایمضا آتیب. بئله کی، ائوده بوراخدیغی گل لارین هامی‌سی‌نین عوضینی چیخان تورین کلوبو نوبتی معجزنی گئرچکلشدیرمه‌یه چوخ یاخین اولوب. لاکین علاوه اولونموش واختین سون ثانییه‌لرینده گؤزلنیلمه‌دن "رئال" پنالتی قازانیب و جانلویجی بوفون میدان‌دان قووولوب. بو شانسی بوشا وئرمه‌ین کریستیانو رونالدو تیمینی یاریم فینالا داشیییب.

آلمانیا شامپیونو "بایرن مونیخ" ایسه دوغما میداندا ایسپانیانین "سویا" کلوبونو قبول ائدیب. سفرده 2:1 حسابی ایله قالیب گلن مونیخ تمثیلچی‌سی یاریم فینالا چیخماغا داها شانس‌لی حساب اولونوردو. جاواب گؤروشونده قاپی‌لارا گل وورولماییب و مونیخ تمثیلچی‌سی یاریم فینالا وثیقه قازانیب.

قئید ائدک کی، ایلک اویون گونونده ایتالیانین "روما" و اینگیلتره‌نین "لیورپول" کلوب‌لاری یاریم فینالا وثیقه‌نی تامین ائتمیشدی.

یوفا شامپیونلار لیگی

1/4 فینالین جاواب اویون‌لاری

11  آوریل

"رئال مادرید" – "یوونتوس" 3:1

ایلک اویون - 0:3

"بایرن مونیخ" – "سویا" 0:0

 

ایلک اویون – 1:2



ایلگیلی‌لی خبرلر