تورکیه‌: چین‌ اویغور تورک‌لرینه قارشی باسقیلاری قالدیرمالی

تورکیه، چین خالق جمهوریتینه آغیر اینسان حاق‌لاری پوزونتولارینا یؤنلیک اعتراضینی نظره آلما چاغریسی ائتدی

تورکیه‌: چین‌ اویغور تورک‌لرینه قارشی باسقیلاری قالدیرمالی

تورکیه، چین خالق جمهوریتینه آغیر اینسان حاق‌لاری پوزونتولارینا یؤنلیک اعتراضینی نظره آلما چاغسی ائتدی.

تورکیه خاریجی ایشلر ناظیرلیگی سؤزچوسو هامی آکسوی، اویغور تورک‌لرینه قارشی آغیر اینسان حاق‌لاری موداخیله مؤوضوسوندا یازی‌لی آچیقلاماده تاپیلدی.

آکسوی آچیقلاماسیندا،

"سینجان اویغور موختار بؤلگه‌سین‌دکی اویغور تورک‌لری‌نین و دیگر موسلمان توپلولوقلارین اساس اینسان حاق‌لارینی پوزان عمللر، خصوصیله سون ایکی ایل ایچری‌سینده آغیرلاشمیش و اولوسلار آراسی جمعیتین گوندمینه داشینمیش‌دیر." دئدی.

کئیفی توتوخلاما‌لارا معروض قالان بیر میلیون‌دان چوخ اویغور تورکونون توپلاما دوشرگه‌لرینده و حبس‌خانا‌لاردا ایشگنجه و سیاسی بئیین یوماغا معروض بیراخیلدیق‌لاری‌نین آرتیق بیر سیرر اولمادیغی وورغولانان آچیقلامادا، دوشرگه‌لرده توتوخلانمایان اویغورلارین دا بؤیوک باسقی آلتیندا اولدوغو ایفاده ائدیلدی.

آچیقلامادا،

"خاریجده (چین‌ین خاریجینده) یاشایان اویغور اصیل‌لی سویداش و وطنداش‌لاریمیز بو بؤلگه‌دکی قوهوملاریندان‌ خبر آلا بیلمیر. مین‌لرله اوشاق آتا آنالاریندان آیریلدی و یئتیم قالدی. 21-جی عصرده توپلاما دوشرگه‌لری‌نین تازادان اورتایا چیخماسی و چین حاکمیت‌لری‌نین اویغور تورک‌لرینه قارشی سیستم‌لی آسسیمیلاسیون سیاستی اینسان‌لیق اوچون بؤیوک بیر اوتانج قایناغیدیر. سینجان بؤلگه‌سیندکی فاجعه ایله علاقه‌دار هر بیر سویه‌ده چین رهبرلیگینه فیکیرلرینی بیلدیردیک.

آچیقلامادا آیریجا:

"بئله بیر اورتامدا، بیر بسته‌سی اوزون‌دن 8 ایل حبسه محکوم ائدیلن قیمت‌لی خالق اوزانی عبدالرحیم هئییت‌ین حبس‌خانا‌داکی ایکینجی ایلده وفات ائتدیگی خبرینی درین غمله اؤیرندیک. بو، تورک خالقی‌نین سینجان‌دا جیدی اینسان حاق‌لاری پوزونتولارینا قارشی اعتراضینی داها دا گوجلندیردی. چین حکومتی‌نین بو حاق‌لی اعتراضینی نظره آلینماسینی گؤزلییریک. اولوسلار آراسی توپلومو و بیرلشمیش میللت‌لر تشکیلاتی‌نین باش کاتیبی‌نین ده سینجان بؤلگه‌سین‌دکی اینسان‌لیق فاجعه‌سی‌نین سونا چاتدیریلماسی اوچون تأثیرلی آددیم‌لار آتماغا چاغیریریق. "ایفاده‌لرینه یئر وئریلدی.



ایلگیلی‌لی خبرلر