تورک ائلچی یارالاندی

"بیر آز آغری‌سی وار آنجاق عمومی ساغلیق وضعیتی یاخشی"

تورک ائلچی یارالاندی

کوزووونون باشکندی پریشتینه ایله گیلان شهری آراسین‌دا میدانا گلن زنجیرلمه قضادا ۳ نفر حیاتینی ایتیردی، تورکیه‌نین پریشتینه ائلچیسی قیویلجیم قیلیچ ایله بیرلیک‌ده ۷ نفر یارالاندی.

قضانین آردین‌دان یارالیلارین اولدوغو کلینیک مرکزینی زیارت ائد‌ن کوزووو ایچ ایشلر باخانی اکر‌م مصطفی، ژورنالیستلره وئردیگی آچیقلامادا، اوچ اتومبیلین قاریشدیغی قضادا ۳ نفرین اؤلدویونو و بیری آغیر ۷ نفرین یارالاندیغینی ایفاده ائتدی.

ائلچی قیویلجیمین ساغلیق وضعیتینه دایر ده معلومات وئر‌ن مصطفی،

"ائلچینین وضعیتی یاخشی. ساغ قولون‌دان یارالاندی. اونونلا ارتباطا گئچدیک. بیر آز آغری‌سی وار آنجاق عمومی ساغلیق وضعیتی یاخشی" ایفاده‌لرینی ایشلتدی.

قضادا اؤلنلرین عائله‌لرینه باش ساغ‌لیغی وئره‌ن مصطفی، حادثه ایله باغلی سوروشدورما باشلادیلدیغینی بیلدیردی.



ایلگیلی‌لی خبرلر