اردوغان، ترامپ ایله دانیشدی

اردوغان، ترامپا، کالیفورنیاداکی اورمان یانغینلارین‌دا حیاتلارینی ایتیره‌نلر اوچون باش ساغلیغی دیله‌دی

اردوغان، ترامپ ایله دانیشدی

جمهورباشقانی رجب طیب اردوغان ایله آمریکا باشقانی دونالد ترامپ تلفن‌دا دانیشدی.

جمهورباشقانلیغی قایناقلاریندان وئریلن معلوماتا گؤره، دانیشمادا ایکی‌لی مسئله‌لر ایله یاناشی، سعودی ژورنالیست جمال قاشیق‌چی جینایتی، آمریکادا داوام ائد‌ن فئتؤ سوروشدورمالاری، سوریه ‌ده ترورلا مباریزه فعالیتلری و ایکیلی اقتصادی ایلیشکی‌لر حاقین‌دا فیکیر آلیش وئریشی اولدو.

اردوغان، ترامپا، کالیفورنیاداکی اورمان یانغینلارین‌دا حیاتلارینی ایتیره‌نلر اوچون باش ساغلیغی دیله‌دی.

جمال قاشیق‌چی جینایتینین بوتون یؤنلری ایله آیدینلانما‌سی و حادثه‌نین اؤرت باس‌ ائدیلمه‌سینه یول وئریلمه‌مه‌سی باره‌ده آنلاشان ایکی لیدئر، بوتون ترور هؤرگوتلری ایله مباریزه مسئله‌سین‌ده، تورکیه جومهوریتی و آمریکانین داها یاخین امکداش‌لیق ایچری‌سین‌ده اولماسینین اؤنمینی وورغولادی.

ایکی لیدئر، منبج یول خریطه‌سی چرچیوه‌سین‌ده اورتاق کنترل گزیسی فعالیتلرینین باشلاماسین‌دان دویدوقلاری ممنونیتی ایفاده ائد‌رک، پروسه‌نین تئز بیر زامان‌دا باشا چاتدیریلماسی مسئله‌سینی ده دانیشدی.

پرزیدنت اردوغان، آمریکانین بؤلوجو ترور هؤرگوتو پ‌کاکانین سوریه قولونا یاردیملارینین سونا چاتدیریلماسی خصوصوندا‌کی گؤزلنتیلرینی ده دیله گتیردی.

ایکی لیدئر اؤلکه‌لری آراسین‌دا امکداشلیغین هر ساحه‌ده داها دا اینکیشاف ائتدیریلمه‌سی مسئله‌سین‌ده عزملرینی تایید ائتدی.



ایلگیلی‌لی خبرلر