نومان کورتولموش‌ امریکا-یا ی.پ.گ ایله باغلی رئاکسیا وئردی

عدالت و اینکیشاف پارتیسی‌نین صدر معاوینی نومان کورتولموش پایتاخت آنکارادا آنادولو ناشرلر جمعیتی‌نین تشکیل ائتدیگی تدبیرده مئدیا نوماینده‌لری ایله گؤروشدو.

نومان کورتولموش‌ امریکا-یا ی.پ.گ ایله باغلی رئاکسیا وئردی

تورکیه‌نین عدالت و اینکیشاف پارتیسی‌نین صدر معاوینی نومان کورتولموش آمریکانین بولوجو ترور تشکیلاتی پ.کا.کا-نی ترور تشکیلاتی کیمی، اونون سوریه قولو ی.پ.گ/پ.ی.د-نی ایسه قانونی تشکیلات کیمی تانیماسی‌نین ایکی اوزلولوک اولدوغونو سؤیله‌دی.

عدالت و اینکیشاف پارتیسی‌نین صدر معاوینی نومان کورتولموش پایتاخت آنکارادا آنادولو ناشرلر جمعیتی‌نین تشکیل ائتدیگی تدبیرده مئدیا نوماینده‌لری ایله گؤروشدو.

امریکانین پ.کا.کا باشچی‌لاری‌نین باشینا موکافات قویماسینی مثبت قارشیلادیق‌لارینی بیلدیرن کورتولموش بونون گئجیکمیش بیر حرکت اولدوغونو بیلدیردی.

بو موکافات آچیقلاماسی ایله امریکا رسمی‌لری‌نین پ.ی.د/ی.پ.گ-نین ترور تشکیلاتی قبول ائدیلمه‌دیگی ایله باغلی ایفاده‌لری‌نین اویغون گلمه‌دیگینه ایشاره ائدن کورتولموش امریکانین پ.کا.کا ایله پ.ی.د/ی.پ.گ آراسیندا هئچ بیر فرق اولمادیغینی بیلدیگینی سؤیله‌دی.

تورکیه-‌نین عدالت و اینکیشاف پارتیسی‌نین صدر معاوینی: "اورادا سیز پ.ی.د/ی.پ.گ-نی تروریست قبول ائتمیرسینیز، او زامان بو تشکیلات ندیر؟ بو تشکیلاتین اولوسلار آراسی حقوق باخیمیندان تعریفی ندیر؟" دئیه سوروشدو.

کورتولموش تورکیه-‌نین مسئلنی یاخین‌دان تعقیب ائتدیگینی، سوریه-ده اراضی بوتؤو‌لوگونه و دموکراتیک پروسه‌سین برپاسی‌نین طرفداری اولدوغونو دیله گتیردی.

کورتولموش تورکیه-‌نین اوینانان اویونو بیلدیگینی وورغولادی.



ایلگیلی‌لی خبرلر