مولود چاووش اوغلو گوندمی دیرلندیردی
تورکیه-نین خاریجی ایشلر ناظیری مولود چاووش اوغلو سعودیه عربیستانی‌نین گئج ده اولسا ژورنالیست جمال خاشقچی‌نین اؤلدورولدوگونو قبول ائتمه‌سی‌نین اهمیت‌لی اولدوغونو دئییب.
تورکیه-نین خاریجی ایشلر ناظیری مولود چاووش اوغلو سعودیه عربیستانی‌نین گئج ده اولسا ژورنالیست جمال خاشقچی‌نین اؤلدورولدوگونو قبول ائتمه‌سی‌نین اهمیت‌لی اولدوغونو دئییب.
آنادولو آژانسینا موصاحیبه وئرن مؤلود چاووش اوغلو گوندم ده کی مسئله لری قیمتلندیریب.
بیرلشمیش میللتلر تشکیلاتی، اولوسلار آراسی تشکیلات و یا محکمه‌نین جمال خاشقچی مسئله‌سی ایله باغلی سوروشدورما آپاراجاغی تقدیرده تورکیه-نین امکداش‌لیق ائدجگینی بیلدیرن مولود چاووش اوغلو: "خاشقچی جینایتی ایله باغلی الیمیزده اولان دلیللری هئچ بیر اؤلکه ایله بؤلوشمه میشیک لاکین میللی کشفیات ایدارلری آراسیندا گؤروشلر اولا بیلر" دئیه قئید ائدیب.
سعودیه عربیستانی رهبرلیگی اوکتبرین 2-ده بو اولکه نین ایستانبول‌داکی باش کونسول‌لوغونا داخیل اولدوق‌دان سونرا ایتکین دوشن جمال خاشقچی‌نین کونسوللوقدا یارانان موباحیثه نتیجه سینده اؤلدوگونو آچیقلامیشدی.
تورکیه-نین خاریجی ایشلر ناظیری مولود چاووش اوغلو بیلدیریب کی، تورکیه ایله امریکا آراسینداکی موناسیبت‌لر ترور تشکیلاتی ایله ارتباطی سببی ایله حبس ائدیلن کشیش اندرو برانسونون حبسینه گوره پوزولماییب. امریکانین ترور تشکیلاتی ی.پ.گ/پ.کا.کا-یا دستکی و فتح الله چی ترور تشکیلاتینا (فتو) ایله باغلی قوروماجی موضعینه گوره پوزولوب.
روسیانین بولوجو ترور تشکیلاتی پ.کا.کا-نین سوریه قولو ی.پ.گ-نی ترور تشکیلات‌لاری سیاهی‌سینا سالدیغینی قئید ائدن چاووش اوغلو: "پ.کا.کا/ی.پ.گ-نین سوریه-ده قورولا‌جاق آنایاسا کمیسیونودا یئری اولا بیلمز، بونا ایجازه وئرمریک" دئیه وورغولاییب.
