جمهور باشقانی اردوغان مولداوی-ده

تورکییه پرزیدنتی رجب طیب اردوغان مولداوی-نی فتح الله چی ترور تشکیلاتی (فتو) ایله باغلی خبردارلیق ائتدی.

dodon-erdogan2.jpg
dodon-erdogan1.jpg

تورکییه پرزیدنتی رجب طیب اردوغان مولداوی-نی فتح الله چی ترور تشکیلاتی (فتو) ایله باغلی خبردارلیق ائتدی.

تورکیه پرزیدنتی رجب طیب اردوغان مولداوی پرزیدنتی ایگور دودونون دعوتی ایله بو اؤلکه‌یه سفر ائتدی.

کیشیناو هاوا لیمانیندا دودون و خانیمی طرفیندن قارشی‌لانان اردوغان و خانیمی امینه اردوغان اوچون پرزیدنت ساراییندا رسمی قارشیلانما مراسیمی تشکیل اولوندو.

مراسیم‌دن سونرا تکبتک و هئیتلرآراسی گؤروش‌لر کئچیریلدی.

گؤروش‌لرده ایکی طرف‌لی موناسیبت‌لر، بولگه سل مسئله‌لر و باشدا فتو اولماقلا، ترورلا موباریزه موذاکیره اولوندو.

داها سونرا تورکیه ایله مولداوی آراسیندا ایستراتئژی طرفداش‌لیق بیاناتی ایمضالاندی.

گؤروش‌لردن سونرا اردوغان و دودون مطبوعاتا آچیقلاما‌لار وئردی‌لر.

پرزیدنت اردوغان چیخیشیندا فتو-یه قارشی موباریزه‌دن بحث ائتدی، تورک خالقی‌نین مولداوی دوستلاریندان‌ گؤزلنتی‌سی‌نین لازیم اولان دستکین ترددودسوز شکیلده گؤستریلمه‌سی اولدوغونو سؤیله‌دی.

اردوغان فتو-نون تورکیه سلاح‌لی قوه‌لرینه، پولیسه، محکمه‌یه، دؤولتین بوتون اورقان‌لارینا سیزمیش بیر ترور تشکیلاتی اولدوغونو قئید ائده‌رک: "بو ترور تشکیلاتی، حاضردا مولداوی دؤولت اورقان‌لارینا سیزماقلا بورادا دا عینی آددیم‌لاری آتا بیلر" دئدی.

اردوغان تورکیه‌-نین ایکی دؤولت بانکی‌نین - خالق بانکی و زراعت بانک یندان بیری‌نین، و یا ایکی‌سی‌نین ده مولداوی-ده ان قیسا زاماندا شعبه آچا‌جاق‌لارینی بیلدیردی.

مولداوی پرزیدنتی دودون تورکیه-‌نین هم اؤلکه‌سی‌نین ریفاهی‌نین تامین اولونماسی، هم ده قاقاوز موختار بؤلگه‌سی‌نین پروبلئمی‌نین حل ائدیلدیگی دؤورلرده چوخ مهم رول اوینادیغینی قئید ائده‌رک: " تورکیه میللی ماراق‌لاریمیزین قورونماسی و یاخشی موناسیبت‌لرین قورولماسی مسئله‌سینده اهمیت‌لی نومونه‌دیر" دئدی.

تورکیه-‌نین اؤلکه‌سی‌نین اینکیشافینا وئردیگی دستک‌دن بحث ائدن دودون: "تورکیه مولداوی-نین ثابت و گوج‌لو اولماسینا کؤمک ائتدی" دئدی.

تورکیه پرزیدنتی پایتاخت کیشیناو-دا 2009-جو ایلده مولداوی دؤولت چئوریلیشی جهدی زامانی دارماداغین ائدیلدیک‌دن سونرا تورکیه طرفیندن برپا ائدیلن جمهور باشقانلیغی بیناسی‌نین آچیلیشینی ائده‌جک.

اردوغانین گؤروش‌لری زامانی مولداوی-ده 350 میلیون دو‌لارلیق سرمایه قویان 213 تورک فیرماسی‌نین بعضی رهبرلری بیر آرایا گله‌جک.

جمهور باشقانی اردوغان گاگاوز موختار بؤلگه‌سینده ایکی دیل‌لی (گؤک اوغوز و مولداوی دیل‌لری) اوشاق باغچا‌لاری‌نین دا آچیلیشیندا ایشتیراک ائدجک.



ایلگیلی‌لی خبرلر