مولود چاووش اوغلونون ادلیب ایله باغلی چاغیریشی

خاریجی ایشلر ناظیری مولود چاووش اوغلو سوریه-ده کی وضعیتین هر کسی علاقه‌دار ائتدیگینه دقت چکه‌رک بو موضوع دا همفیکیر اولان اؤلکه‌لرله ایشله‌دیک‌لرینی قئید ائدیب.

مولود چاووش اوغلونون ادلیب ایله باغلی چاغیریشی

خاریجی ایشلر ناظیری مولود چاووش اوغلو سوریه-ده کی وضعیتین هر کسی علاقه‌دار ائتدیگینه دقت چکه‌رک بو موضوع دا همفیکیر اولان اؤلکه‌لرله ایشله‌دیک‌لرینی قئید ائدیب.

رومینیانین پایتاختی بوخارست-ده کئچیریلن تورکیه-رومینیا-لهستان خاریجی ایشلر ناظیرلری ییغینجاغیندان سونرا چاووش اوغلو رومینیانین خاریجی ایشلر ناظیری تئودور مئلئسکانو و لهستان خاریجی ایشلر ناظیری ژاجئک بیرگه مطبوعات کنفرانسی کئچیریب.

ادلیبه رژیمله یاناشی روسیانین دا هوجوم‌لاری‌نین داوام ائتدیگینی بیلدیرن چاووش اوغلو "تکلیفیمیز آچیق‌دیر، ادلیب‌دکی هوجوم‌لار دایانسین. ترور قروپ‌لاری‌نین موجودلوغونا سون قویماق اوچون بیرگه آددیم آتاق. سوریه-ده ان یاخشی حل اولان "سیاسی حل" یولونون تامین ائدیلمه‌سینده جدی ایرلیلییش الده ائتمسک ده رژیم و اونا دستک اولان‌لار حربی حل یولونا اینانیر. نه قدر ده آستانا و سوچی-ده جدی جهد گؤستردیکسه، تهراندا قتل عامین قارشی‌سی‌نین آلینماسی اوچون بیر آرایا گلدیکسه ده رژیمین هوجوم‌لاری داوام ائدیر. نه اوچون بو قدر سیویل، مین‌لرله قادین و اوشاغی اؤلدورمک لازیم‌دیر؟ بو موضوع دا بیرگه آددیم آتیلما‌لی‌دیر.

چاووش اوغلو روسیا، ایران، امریکا، فرانسا و اینگیلتره ایله یاناشی سوریه-ده بوتون طرفداش‌لارلا آددیم آتماغا حاضر اولدوق‌لارینی وورغولایا‌راق، تورکیه اولا‌راق سوریه-ده کی بو وضعیتین باشا چاتماسی و باریش یولو ایله مسئله‌یه چؤزوم تاپیلماسی اوچون باشدا روسیا و ایران اولماقلا هر کسله ایکی و اوچ طرف‌لی اولا‌راق ایشله‌دیک‌لرینی سؤیله‌ییب.

سوریه-نین تورپاق واحیدلیگینی دستکلدیک‌لرینه دقت چکن چاووش اوغلو دئییب کی، اما گوناه‌سیز اینسان‌لاری، قادین‌لاری و اوشاق‌لاری اؤلدورمک سوریه-نین تورپاق بوتؤو‌لوگونو تامین ائتمیین یولو دئییل‌دیر. هر کسی سوریه-ده  رژیمین تجاوزکارلیغینا قارشی سس‌لرینی اوجالتماغا و باریش مقصدلی حل یولو تاپیلماسینا چاغیریرام.



ایلگیلی‌لی خبرلر