ژاپون پرنسسی آکیکومیکاسانومیا، باشکند آنکارادا دا گؤروشمه لر ائتدی

آکیکو میکاسانومیا، تورکیه بؤیوک میللت مجلیسی باشقانی بینا‌لی ییل‌دیریم طرفین‌دن قبول ائدیلیب

akiko miksanomiya-tirnak bayraklar.jpg
akiko miksanomiya-cavusoglu.jpg

ژاپون پرنسسی آکیکومیکاسانومیا، باشکند آنکارادا دا گؤروشمه لر ائتدی.

آکیکو میکاسانومیا، تورکیه بؤیوک میللت مجلیسی باشقانی بینا‌لی ییل‌دیریم طرفین‌دن قبول ائدیلیب.

ییلدیریمین، رسمی منزیل‌دکی قبولو، مطبوعاتا قاپا‌لی کئچیریلیب.

ژاپون پرنسس، دیش ایشلری ناظیری مؤولود چاووش اوغلو ایله ده بیر آرایا گلیب.

خاریجی ایشلر ناظیرلیگی رسمی ایقامتگاهیندا باش توتان گؤروشمه ده پرنسس آکیکونون، لاک ایله ال دیرناق‌لارینا ائتدیردیگی تورک و ژاپون بایراق‌لاری دقتی چکدی.

گؤرونتو آلماسین‌دان سونرا گؤروشمه مطبوعاتا قاپا‌لی اولوب.

پرنسس آکیکو، چاووش اوغلو ایله گؤروشمه سین‌دن اوۀل بعضی زیارتلر اولموشدو.

آنکارا‌داکی گؤروشمه‌لرینه آنیت قبیر زیارتی ایله باشلایان شاهزاده آکیکو، جمهوریتینین بانی‌سی آتاتورکون موزوله-سینه چلنگ قویا‌راق حؤرمت دوروشو ائتمیش و داها سونرا میثاق میللی بؤلومونه کئچه‌رک، آنیت قبیر اؤزل دفترینی ایمضالامیشدی.

ژاپون شاهزاده‌سی آکیکو، داها سونرا کیرشهیر کامان شهرین‌دکی کاله هؤیوک قازینتی ساحه‌سی، ژاپون آنادولو آرکولوژی اینستیتوسو، ژاپون باغچاسی و کاله هؤیوک آرکولوژی موزه سینی زیارت ائتمیشدی.

ژاپون شاهزاده نین تورکیه سفری، 14 سپتامبرا قدر داوام ائده‌جک.



ایلگیلی‌لی خبرلر