تورکمنلردن تورکیه‌یه دستک
"تورکیه اورتادوغونون سوپر گوجودور. تورکیه بؤیوک بیر دؤولت‌دیر"
عراق تورکمن جبهه‌سینین اربیل میلت وکیلی آیدین، معروف، تورک اقتصادین‌دا ثابیتلیگین اورتادوغو اقتصادینین دا ثابت‌لیگی معناسینا گلدیگینی ایفاده ائد‌رک، عراق تورکمنلرینین تورک اقتصادینا اولان دستگینین تام اولدوغونو دئدی.
آمریکا طرفین‌دن تورکیه‌یه قارشی باسقیلارین تأثیرینین محدود قالاجاغینا دقت چکن، معروف، "تورکیه‌یه قارشی بو تضییقلرین چوخ تأثیری اولابیلمز. بونلار قیسا سورر و گئچر. تورکیه بونو دا گئریده قویار. گئچمیش‌ده ده عثمانلی سونراسی تورکیه‌یه قارشی بعضی باسقیلار یارادیلدی آنجاق تورکیه اوغورلو اولدو. تورکیه بونا قارشی دا اوغورلو اولاجاق" ایفاده‌لرینی ایشلتدی.
معروف، تورکیه‌نین هم سیاسی، هم ده اقتصادی جهت‌دن گلیشمه‌سینین بعضی اؤلکه‌لری راحت‌سیز ائتدیگینه ایشاره ائد‌رک، "آمریکا تحریمینین هدفی سیاسی باسقی یاراتماغا چالیشماقدیر. بو، تحریمدن چوخ سیاسی باسقیدیر آنجاق باشاراممایاجاقلار" دئیه دانیشدی.
عراق تورکمنلرینین هر زامان تورکیه‌نین یانین‌دا اولدوغونو وورغولایان، معروف، بونلاری قید ائتدی:
"سون گونلرده نه یازیق، آمریکا طرفین‌دن تورکیه‌یه قارشی ائدیلن تحریم و باسقیلار بوتون طرفلری کدرلندیرمیش‌دیر. تورکیه جمهوریتی اورتادوغودا اؤنم‌لی بیر اؤلکه. هر زامان اورتادوغودا‌کی مظلوم اینسانلارین و مظلوم توپلوملارین یانین‌دا اولموشدور".
تورکیه‌نین بؤلگه‌ده‌کی رولونون اهمیتینه ده توخونان معروف، سؤزلرینی بئله تاماملادی:
"تورکیه تکجه بیزیم اوچون دئییل، اورتادوغودا یاشایان مظلوم دورومداکی بوتون ائتنیک قروپلار اوچون اؤنم‌لی بیر اؤلکه‌دیر. تورک اقتصادین‌دا ثابت‌لیک، اورتادوغو اقتصادینین دا ثابت‌لیگی آنلامینا گلیر. تورکیه‌نین سیاسی ثابت‌لیگی اورتادوغونون دا سیاسی ثابت‌لیگی معناسینا گلیر. تورکیه اورتادوغونون سوپر گوجودور. تورکیه بؤیوک بیر دؤولت‌دیر".
