غفریندن شهید خبری گلدی

"ال یاپیمی پاتلاییجی تمیزلیگی ائدرکن شهید اولدولار"

935562
غفریندن شهید خبری گلدی

باشباخان بینعلی ییلدیریم، تورکیه سلاح‌لی گوجلری قوشونلارینین سوریه‌نین آفرین بؤلگه‌سین‌ده یئریتدیگی ال یاپیمی پاتلاییجی توزاق‌لارینین تمیزلنمه‌سی فعالیتی زامانی ۳ عسگرین شهید اولدوغونو آچیقلادی.

باشکند آنکارادا صنایع یئتکینلیک دگرلندیرمه و دستکله‌مه پروژه‌سینین تانیتیم توپلانتیسین‌دا دانیشان ییلدیریم،

"زیتون بوداغی عملیاتی اوغورلا تاماملاندی. ایندی تمیزلیک آپاریلیر. ترور ساغی سولو توزاقلامیشلار. بونلارین تمیزلیگیله مشغول اولارکن ایتکیلریمیز ده اولور. تأسف کی، بو گون ۳ شهیدیمیز وار. ال یاپیمی پاتلاییجی تمیزلیگی ائدرکن شهید اولدولار. شهیدلریمیزه الله‌دان رحمت دیله‌ییریک" دئدی.

باش قرارگاه‌دان وئریلن بیلگیده ده، آختارما فعالیتلری سیراسیندا ال یاپیمی پاتلاییجینین پاتلادیلماسی نتیجه‌سینده ۳ عسگرین ده یارالاندیغی بیلدیریلدی.

آچیقلامادا،

"بیزلری درین بیر حوزنه بوغان بو حادثه‌ده حیاتینی ایتیر‌ن عزیز شهیدلریمیزه الله‌دان رحمت، شهیدلریمیزین کدرلی عائله‌لرینه، تورک سلاح‌لی گوج‌لری ایله اوجا تورک میللتینه باش ساغ‌لیغی و صبر، یارالانان قهر‌مان سلاحداشلاریمیزا عاجل شفالار دیله‌ییریک" دئییلدی.


اتیکتلر: #عفرین , #شهید

ایلگیلی‌لی خبرلر