تورکیه-آفریقا 2-جی ناظیرلر گؤزدن کئچیرمه کونفرانسی ایستانبولدا باشلاییب

تورکیه و آفریقا بیرلیگی‌نین بیرگه تشکیل ائتدیگی، کونفرانس چرچیوه‌سینده خاریجی ایشلر ناظیری مولود چاووش اوغلو، آفریقا اؤلکه‌لرین‌دن چوخ سایدا ناظیر و آفریقا بیرلیگی‌نین نماینده‌لری عائله شکلی چکدیردی

تورکیه-آفریقا 2-جی ناظیرلر گؤزدن کئچیرمه کونفرانسی ایستانبولدا باشلاییب

خاریجی ایشلر ناظیری مولود چاووش اوغلو، فتح الله‌چی ترور اؤرگوتونه قارشی هامینی آییق-ساییق اولماغا چاغیردی.

تورکیه-آفریقا 2-جی ناظیرلر گؤزدن کئچیرمه کونفرانسی ایستانبولدا باشلاییب.

تورکیه و آفریقا بیرلیگی‌نین بیرگه تشکیل ائتدیگی، کونفرانس چرچیوه‌سینده خاریجی ایشلر ناظیری مولود چاووش اوغلو، آفریقا اؤلکه‌لرین‌دن چوخ سایدا ناظیر و آفریقا بیرلیگی‌نین نماینده‌لری عائله شکلی چکدیردی.

کونفرانسین آچیلیش دانیشماسینی ائدن خاریجی ایشلر ناظیری مولود چاووش اوغلو، خصوصیله آفریقا اؤلکه‌لرینی فتو باره‌ده خبردارلیق ائدیب.

چاووش اوغلو،

فتو، مکتب‌لر، درنک‌لر، ایش آدام‌لاری تشکیلات‌لاری و شیرکت‌لر واسطه‌سیله دونیانین هر بیر گوشه‌سینده یووالان-میش بیر ترور تشکیلاتی‌دیر. دولت اورقان‌لارینا سیزا‌راق اؤلکه‌لری نظارت ائتمه‌یه چالیشیرلار. تأسف کی، موختلیف قارّه‌لرده ایندی‌دن بعضی اؤلکه‌لرین نظارتینی ده تامامیله اله کئچیرمیش وضعیتده‌دیر" دئدی.

فتو منسوب‌لارینا قارشی هامینی آییق-ساییق اولماغا چاغیران چاووش اوغلو،

"بونو اونوتماییز. فتو اصلا و اصلا تورکیه‌نی تمثیل ائتمیر. درنک‌لری‌نین آدی‌نین اوّلینده تورک آدینی ایستیفاده ائتدیک‌لری اوچون تورکیه‌نی تمثیل ائتدیگینی اصلا دوشونمیین. اونلار یالنیز تورک بایراغینی و تورک آدینی مقصدلرینه چاتا بیلمک اوچون سوی-ایستیفاده ائدیرلر" ایفاده‌لرینی ایستیفاده ائتدی.

کونفرانسدا تورکیه و آفریقا اؤلکه‌لری آراسیندا امکداشلیغین گوجلندیریلمه‌سی موذاکیره اولونور.

گلن ایل تورکیه‌ده کئچیریله‌جک 3-جی تورکیه-آفریقا طرفداش‌لیغی ایجلاسینا حاضیرلیق مقصدی داشییان کونفرانس، تورکیه‌نین آفریقا بیرلیگی‌نین ایستراتئژیک طرفداشی اولماسی‌نین 10-جی ایلینده کئچیریلیر.

آفریقا بیرلیگی‌نین یاناشی، 19 آفریقا اؤلکه‌سین‌دن ناظیر و نماینده‌لرین قاتیلدیغی کونفرانسدا، تورکیه و آفریقا اؤلکه‌لری آراسین‌داکی ایش بیرلیگی‌نین داها ایره‌لیگه داشینماسی اوچون آتیلا‌جاق آددیم‌لار قیمتلندیریلیر.



ایلگیلی‌لی خبرلر