اردوغان: ای ترامپ سن نه ائتمک ایستییرسن؟

"سیاسی لیدئرلر قاریش‌دیرماق اوچون دئییل، باریش‌دیرماق اوچون اولورلار"

اردوغان: ای ترامپ سن نه ائتمک ایستییرسن؟

جمهور باشقانی رجب طیب اردوغان، آمریکا پرزیدنتی دونالد ترامپین قدسو ایسراییلین باشکندی اولاراق تانیماسینین بؤلگه‌نی آلوو چمبرینین ایچینه آتماق آنلامینا گلدیگینی دئدی.

اردوغان، آنکارا اسن‌بوغا هاوا لیمانین‌دان یونانیستانا حرکتین‌دن قاباق وطنداشلارا سسلندی.

ترامپین قدسو ایسراییلین باشکندی اولاراق تانیدیغی آچیقلاماسینا توخونان اردوغان، آمریکا لیدئرینین،۱۹۸۰ ایلینده، ایسراییلین دوغو قدسو الحاق ائد‌رک باشکند اعلان ائتمه‌سینی گئچر‌سیز سایان ۴۷۸ ساییلی بیرلشمیش میلتلر قرارینی هئچه سایدیغینی سؤیله‌دی.

بو گونه قدر آمریکا و ایسراییل‌دن باشقا هئچ بیر اؤلکه‌نین بیرلشمیش ملتلرین قدس قرارینا ضد بیر آددیم آتمادیغینی قید ائد‌ن اردوغان،

"تکجه بو ایکی اؤلکه بورادا بو شکیل‌ده مقاومت گؤسترمیشدیر. سایین ترامپین نه‌یه یارانماق ایستدیگینی آنلاماق ممکن دئییل. قدس، بو گونه قدر مسلمانلارین، خریستیانلارین و قسمی اولاراق دا یهودیلرین عبادتگاهی کیمی گؤرولموش‌دور" دئدی.

اردوغان،

"مسجد اقصی بیزیم (مسلمانلارین) ایلک قیبله‌میز. بئله بیر آددیمی آتماق دونیادا، خصوصاً بو بؤلگه‌نی آلوو چمبری‌نین ایچینه آتماق‌دیر. ای ترامپ سن نه ائتمک ایستییرسن؟ سیاسی لیدئرلر قاریش‌دیرماق اوچون دئییل، باریش‌دیرماق اوچون اولورلار. حاضردا سایین ترامپین بو آچیقلامالاری میکسر گؤره‌وی گؤرمه‌یه یؤنلیک‌دیر. قاریشدیرماغا یؤنلیکدیر، باریشدیرماغا دئییل" شکلین‌ده دانیشدی.

اردوغان، ایسلام امکداش‌لیق تشکیلاتی دؤنم باشقانی اولاراق، ۱۳ دسامبر، چرشنبه گونو بوتون عضولری ایستانبول‌دا توپلایاجاقلارینی سؤیله‌دی.

اردوغان، آییجا مسئله ایله باغلی اؤلکه‌لرین لیدئرلریله دانیشیقلارینی داوام ائتدیردیگینی بیلدیردی.


اتیکتلر: ترامپ , قدس , اردوغان

ایلگیلی‌لی خبرلر