سوریه‌نین عاقیبتی اوچون سوچی‌دکی اوچلو ایجلاس باشا چاتیب

مطبوعات کونفرانسیندا ایلک سؤز آلان ائو صاحبی پوتین، سوریه میلی دیالوق قورولتایی‌نین کئچیریلمه‌سی اوچون راضی قالدیق‌لارینی آچیقلاییب

سوریه‌نین عاقیبتی اوچون سوچی‌دکی اوچلو ایجلاس باشا چاتیب

سوریه‌نین عاقیبتی اوچون کریتیک اهمیت داشییان سوچی‌دکی اوچلو ایجلاس باشا چاتیب.

جمهور باشقانی رجب طبیب اردوغان و ایران‌لی همکاری حسن روحانی، روسیا پرزیدنتی ولادیمیر پوتین‌ین ائوینده، 6 ایلدن چوخ مدت‌دیر ایچ ساواشین پنجه‌سینده سوریه‌نین عاقیبتینی گؤروشوب.

اوچ لیدرین تک بتک گؤروشمه‌لریندن سونرا کئچیردیک‌لری بیرگه مطبوعات کونفرانسیندا ایلک سؤز آلان ائو صاحبی پوتین، سوریه میلی دیالوق قورولتایی‌نین کئچیریلمه‌سی اوچون راضی قالدیق‌لارینی آچیقلاییب.

سوریه‌لیلر "اؤز تالع‌لرینه اؤزلری قرار وئرمه‌لی‌دیر دئین" پوتین،

سوریه‌نین "ایقتیصادی و سوسیال باخیم‌دان یئنی‌دن تیکینتی‌سی اوچون ده فیکیر موبادیله‌سی آپاردیق" دئدی.

روس لیدر، ذیروه‌نین سوریه‌نین اراضی بوتؤو‌لوگونو گوجلن‌دیره‌جک نتیجه‌لره وسیله اولاجاغینا ایشاره ائده‌رک، تورکیه و ایرانین امکداش‌لیغی آستانا پروسه‌سی‌نین سوریه‌نین پارچالانماسی مانع اولا‌راق، سیاسی حلّ مرحله‌سینه کئچیلمه‌سینی تامین ائتدیگینی دئییب.

پوتین‌دن سونرا سؤز آلان ایران‌لی لیدر روحانی،

"اوچ اؤلکه‌نین ده سوریه‌نین اراضی بوتؤو‌لوگو، موستقیل‌لیگی و بیرلیگی موضوعسوندا عینی فیکیرده اولدوغونو، سوریه‌ده باریش و ثابیتلیگین تامین اولونماسی اوچون یاخین بیر امکداش‌لیق ایچینده اولدوغونو گؤرمک‌دن ممنونلوق دویوروق". ایفاده‌لرینی ایستیفاده ائتدی.

روحانی، سوریه میلّی کونگره‌سینه اؤلکه‌دکی بوتون طرف‌لرین قاتیلماسی لازیم اولدوغونو قید ائده‌رک،

بو "کونگره، سوریه‌ده یئنی آنایاسا حاضیرلانماسی اوچون زمین تشکیل ائده‌جک" دئیه دانیشدی.

روحانی، گله‌جکده بو اؤلکه‌ده اعتبارلی و یئنی، آزاد بیر سئچیمین کئچیریلمه‌سینه شاهید اولماغی اومید ائتدیگینی ده سؤزلرینه علاوه ائدیب.

مطبوعات کونفرانسیندا سون سؤزو آلان پرزیدنت اردوغان ایسه تورکیه‌نین قیرمیزی جیزگی‌لرینی وورغولاییب.

بؤلوجو ترور تشکیلاتی پ.ک.ک/ پ.ی.د-یه گؤندرمه ائدن اردوغان، سوریه بؤلمه‌یه چالیشان بیر یارانین سیاسی حلّه خیدمت ائتمه‌سی نظرده توتولان بیر پلاتفورمادا تورکیه‌نین قاتیلمایاجاغی مساژینی وئردی.

اردوغان،

تروریست "فاکتورلارین پروسه‌دن تجرید اولماسی، اؤنجه‌لیکلریمیزدن اولماغی داوام ائتدیریر" ایفاده‌سینی ایستیفاده ائتدی.

سوریه‌ده آتشکس و گرگین‌لیگی آزالتما بؤلگه‌لری مسئله‌سینده آستانا پروسه‌سینده آتیلان آددیم‌لارین فایدا‌لی نتیجه‌لری‌نین گؤروندوگونو بیل‌دیرن اردوغان، اوزون مدت‌لی حلّ اوچون ایسه ژنو پروسه‌سینه ایشاره ائتدی.

بو ایجلاس‌دا آتیلان آددیم‌لارین اوغورونون ایسه سوریه‌دکی رژیم و دیگر آکتورلارا باغلی اولدوغونو وورغولایان اردوغان، اوچ لیدر اولا‌راق سوریه‌نین میلی بیرلیگی و اراضی بوتؤو‌لوگونه باغلی‌لیق‌لارینی تصدیق ائتدیک‌لرینی سؤیله‌دی.

اردوغان، تورکیه‌نین، میلی امنیتینه قصد ائدن ترور تشکیلات‌لاری عینی ماسایا اوتورمایاجاغینی دا تکرارلایا‌راق، کیمسه‌نین بونون عکسینی طلب ائتمیه‌جگینی بیلدیردی.

پرزیدنت اردوغان،

سوریه‌نین" اراضی بوتؤو‌لوگونه باغلیلیغیمیزی ایفاده ائدیریکسه، علی قان‌لی بیر چته‌نی قانونی بیر آکتور کیمی گؤره‌مریک". ایفاده‌سینی اولوندو.



ایلگیلی‌لی خبرلر