ژنرال خلوصی آکار روسیایا گئتدی

تورکیه‌نین سیلاحلی قوه لرینین باش قرارگاه رئیسی ژنرال خلوصی آکار صاباح کئچیریله‌جک اوچ طرف‌لی لیدرلر ذیروه‌سین‌دن اول روسیایا سفر ائتدی.

آنکارا Etimesgut-داکی حربی هاوا لیمانین‌دان هاوا قوه‌لری قوموتانلیغینا مخصوص اوچاق ایله روسیایا گئدن ژنرال خلوصی آکار سوچی-ده روسیانین باش قرارگاه رئیسی ژنرال والری گراسیموف و ایرانین باش قرارگاه رئیسی ژنرال محمد باقری ایله اوچ طرف‌لی ییغینجاقدا بیر آرایا گله‌جک.

صاباح دا جمهور باشقانی رجب طیب اردوغان، روسیا پرزیدنتی ولادیمیر پوتین و ایران پرزیدنتی حسن روحانی‌نین ایشتیراکی ایله یئنه سوچی-ده اوچ طرف‌لی ذیروه کئچیره‌جک.

ییغینجاقدا طرف‌لر سوریه-ده کی پروسئسی و بؤلگه‌دکی سون وضعیتی موذاکیره ائده‌جک‌لر.

دیگر طرف‌دن سعودی عربیستانین پایتاختی ریاض-دا صاباح باشلاماسی پلان‌لاش‌دیریلان سوریه موخالیفتی ییغینجاغی‌نین تاخیره سالیندیغی بیلدیریلدی.