جمهور باشقانی اردوغان کویت-ه گئتدی

جمهور باشقانی رجب طیب اردوغان کویت امیری شیخ صباح احمد جابر الصباح-ین دعوتیله بو اؤلکه‌ده سفرده‌دیر.

erdogan-ganim.jpg

جمهور باشقانی رجب طیب اردوغان کویت امیری شیخ صباح احمد جابر الصباح-ین دعوتیله بو اؤلکه‌ده سفرده‌دیر.

اردوغان دونن گئجه ساعت‌لاریندا کویته گئتدی و کویت باش ناظیری‌نین معاوینی و خاریجی ایشلر ناظیری  شیخ صباح الخالد طرفین‌دن قارشیلاندی.

اردوغان بوگون ایلک اولا‌راق میللی مجلیس صدری مرزوق الغانم و باش ناظر جابر مبارک الحمد الصباح-ی آیری-آیری‌لیقدا قبول ائتدی.

قبول‌لار مطبوعاتا قاپا‌لی باش توتدو.

جمهور باشقانی اردوغان داها سونرا بیان ساراییندا کویت امیری شیخ صباح احمد جابر الصباح طرفین‌دن رسمی مراسیمله قارشیلانیب.

مراسیم‌دن سونرا اردوغان و شیخ صاباح-ین هئیت‌لر آراسیندا و تکبتک گؤروش‌لری باش توتدو.

گؤروش‌لردن سونرا موذاکیره‌سی تاماملانان سازیش‌لرین ایمضا مراسیمی کئچیریله‌جک.

دؤولت باشچی‌سی اردوغان کویت-دن سونرا  قطره گئده‌جک.

جمهور باشقانی اردوغانی کویت سفرینده، باش قرارگاه رئیسی ژنرال حلوصی آکار، عدالت ناظیری عبدالحمید گول، خاریجی ایشلر ناظیری مؤلود چاووش اوغلو، ایقتیصادیات ناظیری نیهات زیبکجی، انرژی و طبیعی ثروتلر ناظیری برات آلبایراک، گنج‌لر و ایدمان ناظیری عثمان عاشقین باک، قیدا، تاریم و حیواندارلیق ناظیری احمد اشرف فاکی بابا، مدنیت و توریزم ناظیری نومان کورتولموش، مئشه و سو ایشلری ناظیری وئیسل اراوغلو، نقلیات دنیزچی‌لیک و خبرلشمه ناظیری احمد آرسلان، میللی استحبارات تشکیلاتی‌نین مستشاری هاکان فیدان و جمهور باشقانلیغی باش کاتیبی‌نین معاوینی ابراهیم کالین موشاییت ائدیر.



ایلگیلی‌لی خبرلر