اردوغان:"غازی مصطفی کمال آتاتورک تورک میللتی‌نین ایستیقلا‌لی‌نین سمبلودور"

جمهور باشقانی رجب طیب اردوغان غازی مصطفی کمال آتاتورکون تورک میللتی‌نین ایستیقلا‌لی‌نین سمبلو اولدوغونو سؤیله‌دی.

اردوغان:"غازی مصطفی کمال آتاتورک تورک میللتی‌نین ایستیقلا‌لی‌نین سمبلودور"

جمهور باشقانی رجب طیب اردوغان غازی مصطفی کمال آتاتورکون تورک میللتی‌نین ایستیقلا‌لی‌نین سمبلو اولدوغونو سؤیله‌دی.

جمهور باشقانی تورکیه جمهوریتی‌نین بانی‌سی مصطفی کمال آتاتورک وفاتی‌نین 79-جو ایلدؤنومونده بئش تپه میللت  کنگره و مدنیت مرکزینده تشکیل ائدیلن مراسیمده چیخیش ائتدی.  

چیخیشیندا کئچن عصرین گرگین دؤورونده هر اؤلکه‌نین اؤزونه گؤره بیر لیدر اورتایا چیخاردیغینی و آزادلیغا قوووشما یول‌لارینی اونون لیدرلیگینده آختاردیغینی بیل‌دیرن اردوغان دئییب کی، بو لیدرلردن چوخ آزی اؤلکه‌نی آرزولانان ظفرلره، اوغورلارا قوووش‌دورا بیلدی. هئچ شوبهه یوخ‌دور کی، آتاتورک ائله بو لیدرلردن بیری‌دیر.

جمهور باشقانی آتاتورکون کؤنول جوغرافیاسینا وئردیگی اهمیته توخونا‌راق بیلدیریب کی، کؤنول جوغرافیاسی سرحدلری‌نین معین ائدیلدیگی 1920-جی ایلده اعلان ائدیلن "میثاق –میللی " ایله سوریه و عراق-دا باش وئرن‌لر بیربیرین‌دن آیری دوشونوله بیلمز.

 بیز "میثاق –میللی"میزه یئنی‌دن ییه دورمالیییق. بیزیم جنوب سرحدلریمیزی ده احاته ائدن "میثاق – میللی" سرحدلریمیزدن اگر تاجیز ائدیلیریکسه، اگر او سرحدلر ایچینده اؤلکه‌میزه هوجوم‌لار اولورسا، بو مقامدا "بویورون داوام ائدین" دئمک اوستونلوگوموز یوخ‌دور.

سوریه-نین قوزئی‌ینده خاریجی قوه‌لرین ده تشببوسو ایله قورولماغا جهد ائدیلن ترور کوریدورونا دقت چکن اردوغان بؤلگه‌نی آتشه توتا‌راق دیلیم-دیلیم بؤلن‌لرین، تورکیه-نی ده همین پروسئسه داخیل ائتمک ایسته‌ین‌لرین هوس‌لرینی پوچا چیخارا‌جاق‌لارینی سؤیله‌دی.

خاریجی قوه‌لرین اورتا دوغو جوغرافیاسینی پارچالاما تشببوس‌لرینه ایشاره ائدن اردوغان "سون دؤورده اوزریمیزه ائله بیل هوجوم ائتدی‌لر کی، ال لریندکی بوتون ایمکان‌لارین آخیرینا چیخاردی‌لار. آرتیق ایفشا اولوب‌لار. سرحدلریمیز بویونجا یارادیلماغا جهد گؤستریلن ترور کوریدورونون مقصدی و آکتیورلاری ایفشا اولدو. بو قدر اویونو پوزان تورکیه‌نین قارشی‌سیندا آرتیق باشقا-باشقا ایمکان‌لار، اوفوق‌لار وار" دئدی.



ایلگیلی‌لی خبرلر