تورکیه قینادی

هیت شهرینده باش وئرن ترور سالدیریسینین بؤیوک اوزونتو ایله اؤیرنیلدیگی بیلدیریلدی

تورکیه قینادی

تورکیه، عراقین هیت شهرینده باش وئرن و 10 نفرین حیاتینی ایتیردیگی، 15 نفرین ده یارالاندیغی ترور سالدیریسینی قینادی.

خاریجی ایشلر باخانلیغیندان وئریلن یازی‌لی آچیقلامادا، عراقین هیت شهرینده باش وئرن ترور سالدیریسیندا ایلک بیلگی‌لره گؤره ان آز 10 نفرین حیاتینی ایتیردیگینین و 15 نفرین یارالاندیغینین بؤیوک اوزونتو ایله اؤیرنیلدیگی بیلدیریلدی.

عراق خالقینا درین حوزونله باش ساغ‌لیغی، اؤلنلره الله‌دان رحمت و یارا‌لی‌لارا عاجل شفا دیله‌نیلدیگی آچیقلامادا،

"عراقین ترورلا مباریزه‌ده اؤنم‌لی مسافه قید ائتدیگی بیر واختدا گئچیریلن بو منفور ترور سالدیریسینی شدتله قیناییر و بو جور ائیلم‌لرین عراقین تروریزمله مباریزه‌سینه و اؤلکه‌دکی نورماللاشما چابالارینا ضربه وورمایاجاغینا اولان اینانجیمیزی وورغولاییریق" ایفاده‌لرینه یئر وئریلدی.


اتیکتلر: ترور , هیت , عراق

ایلگیلی‌لی خبرلر