تورکیه‌دن ایاصوفیا آچیقلاماسی
تورک خاریجی ایشلر ناظیرلیگی‌نین یاییم‌لانان یازیلی مساژیندا یونانیستان خاریجی ایشلر ناظیرلیگی‌نین ایاصوفیادا قوران کریم و اذان اوخونماسینا یؤنلیک آچیقلاماسی قیناندی
تورکیه‌دن ایاصوفیا آچیقلاماسی ...
تورک خاریجی ایشلر ناظیرلیگی‌نین یاییم‌لانان یازیلی مساژیندا یونانیستان خاریجی ایشلر ناظیرلیگی‌نین ایاصوفیادا قوران کریم و اذان اوخونماسینا یؤنلیک آچیقلاماسی قیناندی.
آچیقلامادا، "یونانیستان خاریجی ایشلر ناظیرلیگی، تورک خالقینین مقدس رمضان آیینی و قدر گئجه‌سینی قید ائتمک یئرینه، آیاصوفیادا قوران کریم و اذان اوخونماسینی تحریف ائتمک یولونا گئتمیش‌دیر. اساس اینسان حاق‌لاری آراسیندا اولان دینی آزادلیق‌لار موضوعسوندا یونانیستانین کارنامه‌سی اورتادا‌دیر" دئییلدی.
آچیقلامادا،
"یالنیز بیر ایکی نومونه وئرمک لازیم اولسا، یونان مسئوللاری‌نین، یونانیستان‌داکی مسلمان تورک آزین‌لیغی دینی آزادلیق‌لار موضوعسوندا گئتدیکجه آرتان باسقی‌یه معروض بوراخدیغینی، عادی وظیفه‌لرینی یئرینه گتیردیگی اوچون سئچیلمیش موفتی‌لر حاقیندا ادعا‌لار چیخاردیغینی، عبادته آچیق بیر مسجیدین اولمادیغی سلانیک‌ده مسلمان‌لارین رمضان بایرامیندا، تاریخی مسجیدلردن بیرینده ناماز قیلما طلب‌لری‌نین بو ایل ده منفی قارشیلاندیغینی سؤیلمک مومکون‌دور. بو سببله، باشکنده هله عبادته آچیق بیر مسجید ده اولمایان یونانیستانین آچیقلاماسیندا ایفاده ائتدیگی دین‌لر آراسی دیالوق‌دان نه آنلادیغی، سوال ایشاره‌سینه سبب اولماقدا‌دیر. بو چرچیوه‌ده، یونانیستانی معاصیر، بوتون دین‌لره حؤرمت‌لی و دموکراتیک بیر اؤلکه اولماغا دعوت ائدیریک. " ایفاده‌لرینه یئر وئریلدی.
