ان چوخ قاچقین ساخلایان اؤلکه تورکیه

بیرلشمیش میللت‌لر تشکیلاتی مهاجیرلر یوکسک کومیسارلیغی‌نین معلومات‌لارینا گؤره، کئچن ایل اؤز اؤلکه‌سی ایچینده ساواش سببیله ائوینی ترک ائتمک مجبوریتینده قالان‌لارین ساییسی 40 میلیون 300 مینه یئتیشدی

ان چوخ قاچقین ساخلایان اؤلکه تورکیه

بیرلشمیش میللت‌لر تشکیلاتینا گؤره، ان چوخ قاچقین ساخلایان اؤلکه تورکیه ...

بیرلشمیش میللت‌لر تشکیلاتی مهاجیرلر یوکسک کومیسارلیغی، دونیادا ساواش و شیدت حادثه‌لری سببیله ائوینی ترک ائتمک مجبوریتینده قالان‌لارین ساییسی‌نین ایندییه قدرکی ان یوکسک سویه‌یه چاتدیغینی آچیقلادی.

بیرلشمیش میللت‌لر تشکیلاتی مهاجیرلر یوکسک کومیسارلیغی‌نین معلومات‌لارینا گؤره، کئچن ایل اؤز اؤلکه‌سی ایچینده ساواش سببیله ائوینی ترک ائتمک مجبوریتینده قالان‌لارین ساییسی 40 میلیون 300 مینه یئتیشدی.

اؤلکه‌سی خاریجینه قاچان‌لارین ساییسی دا کئچن ایلین سونوندا 22 میلیون 500 مینه رکورد بیر سئویه ایله قیدلره کئچدی.

باشقا بیر اؤلکه‌یه رسمی ایلتیجا مراجعتینده اولان‌لارین ساییسی ده 2 میلیون 800 مین اولا‌راق وئریلیر.

بونا گؤره هر دقیقه 20 نفر قاچقین موقعیتینه دوشور.

کئچن ایل دونیادا قاچقین موقعیتینه دوشن‌لرین ساییسی، 2015-جی ایله نیسبتن 300 مین آرتدی.

بیرلشمیش میللت‌لر تشکیلاتی مهاجیرلر یوکسک کومیسسارلیغی، کئچن ایل تورکیه‌ده تخمینن 2 میلیون 900 مین قاچقی‌نین باریندیغینی و تورکیه‌نین دونیادا ان چوخ قاچقین قبول ائدن اؤلکه اولدوغونو وورغولادی.

تورکیه‌نی 1 میلیون 400 مین قاچقین‌لار ائو صاحب‌لیگی ائدن پاکیستان و تخمینن بیر میلیون قاچقی‌نین قوناق لبنان ایزلییر.

بیرلشمیش میللت‌لر تشکیلاتی مهاجیرلر یوکسک کومیسارلیغینه گؤره، اؤلکه‌سی خاریجینه ان چوخ قاچقین 5 میلیون 500 مین نفر ایله سوریه‌‌دن، 2 میلیون 500 مین نفر ایله افغانیستان‌دان و 1 میلیون 400 مین نفر ایله سودان‌دان اولدو.

بو عددین یاری‌سینی اوشاق میدانا گتیررکن، قاچقین‌لار ان چوخ اینکیشاف ائتمکده اولان اؤلکه‌لره سیغیندی.

بیرلشمیش میللت‌لر تشکیلاتی مهاجیرلر یوکسک کومیساری فیلیپو گرندی، قلوبال بیر پروبلم اولان قاچقین بحرانی‌نین قبول ائدیله بیلمه‌یه‌جک اؤلچولره چاتدیغینی سؤیله‌دی.

گرندی، دونیایا مولتجیلرله همرای‌لیک چاغیریشی ائده‌رک، موناقیشه‌لرین و ساواش‌لارین قارشی‌سی‌نین آلینماسی اوچون داها ثمره‌لی آددیم‌لارین آتیلماسی لازیم اولدوغونو ایفاده ائتدی.



ایلگیلی‌لی خبرلر