تورکیه پنجره سیندن اورتادوغو(32)

ایدلیبدکی موخالیف قروپ‌لارین اؤز آرا‌لارین‌داکی چاتیشما‌لار، توپلومدا تورکیه‌نین ایدلیب عسگر گؤندره‌بیله‌جگی ایستیقامتین‌دکی خبرلر و آمریکا طرفین‌دن ایدلیب ایله علاقه‌لی ائدیلن آچیقلاما‌لار بؤلگه‌ده گؤزلری ایدلیب چئویریر

تورکیه پنجره سیندن اورتادوغو(32)

تورکیه پنجره سیندن اورتادوغو(32)

 

ایدلیب بیر مدت‌دیر داوام ائدن چاتیشما‌لار و سوریه بحرانینی طرف اولان بعضی آکتورلارین ایدلیب ایله علاقه‌دار آچیقلاما‌لاری بؤلگه‌ده پروژکسیونو ایدلیب چئویردی. ایدلیب شهرین‌دکی حادثه‌لری و بو هفته بؤلگه‌دکی عکسینی تحلیل ائدجگیک.

آتاتورک اونیورسیته اولوسلار آراسی علاقه‌لر شعبه‌سی آراشدیرماچیسی جمیل دوغاچ ایپک‌ین موضوعیا باغلی قیمتلندیرمه‌سینی تقدیم ائدیریک ...

--------

ایدلیبدکی موخالیف قروپ‌لارین اؤز آرا‌لارین‌داکی چاتیشما‌لار، توپلومدا تورکیه‌نین ایدلیب عسگر گؤندره‌بیله‌جگی ایستیقامتین‌دکی خبرلر و آمریکا طرفین‌دن ایدلیب ایله علاقه‌لی ائدیلن آچیقلاما‌لار بؤلگه‌ده گؤزلری ایدلیب چئویریر. ایدلیب موخالیف قروپ‌لار آراسیندا بیر مدت‌دیر داوام ائدن ایچ چاتیشمانین اوچ سببی وار: بون‌لاردان بیری سوریه‌لی موخالیف‌لرین سون قالا اولا‌راق گؤردوگو شهرده رهبرلیگین هانسی قروپون کونترولوندا اولاجاغی. دیگر طرف‌دن، آستانا پروسه‌سی‌نین تأثیری آلتین‌داکی بؤلگه‌دکی چاتیشما قروپ‌لاری‌نین تهدید حیس‌لری. دیگر طرف‌دن خاریجی یاردیم‌لارین آزالدیلماسی سببین‌دن ضعیف قایناق‌لارین ایداره اولونماسی و نظارتی‌نین آرتیق واجیب مسئله‌یه چئوریلمه‌سی‌دیر.

آستانا ادعاسی ایدلیب اوچون اهمیت‌لی بیر اینکیشاف اولدو. ژانویه آیین‌دان اعتباراً ایدلیب اوچقات قورولوشا مالیک‌دیر. النصره‌دن آیریلان شامین قورتولوشو هیاتی (ش.ق.ه)، احرارالشام و یئنی‌دن یاپی‌لانان آزاد سوریه اوردوسو (اوسو). شامین قورتولوشو هیاتی و احرار بؤلگه‌ده آرتیق گوج‌لو آکتورلاردی. بو ایکی‌سی‌نین خاریجینده ایدلیب آستانایا قاتیلان قروپ‌لارین باشینی چکدیگی و بون‌لارا یئنی تشکلات‌لارین دا علاوه اولوندوغو آزاد سوریه اوردوسو تشکیلاتی قورولدو. آزاد سوریه اوردوسو دیگرلرین‌دن داها ضعیف اولماسینا باخمایا‌راق، تورکیه و بعضی بؤلگه‌سل گوجلر طرفین‌دن دستک‌لنیر. موخالیف‌لرین عبارت "میلی اوردو پروژه"نین تمل داشلاریندان‌ ساییلان یئنی آزاد سوریه اوردوسونون بورا‌داکی هدفی ایدلیبده القاعده قورولوشونو اورتا‌دان قال‌دیرماق. بو مقصد تورکیه اوچون ده چوخ واجیب‌دیر. چونکی شامین قورتولوشو هیاتی ایدلیب تامامیله نظارت اتسه تورکیه‌نین ایدلیب مرزینده القاعده ایله علاقه‌لی شامین قورتولوشو هیاتی قورولوشلانماسی تک گوج حالینا گلیر. بو وضعیت تورکیه‌نین سوریه سیاستی و ایچ امنیت اوچون تهلوکه یارادا بیلر.

آمریکانین داعشله موباریزه خصوصی نماینده‌سی بریت مک‌گورک‌ون ایدلیب ایله علاقه‌دار ائتدیگی آچیقلاما بو معنادا اهمیت‌لی. مک‌گورک‌ره گؤره ایدلیب القاعده‌نین سیغینما ساحه‌سینه چئوریلدی و آمریکا بو تهدیده جمعلشیر. بو ایفاده‌لر ایدلیبین یئنی بیر عملیاتین هدفی اولاجاغینی گؤستریر. بو نقطه‌ده عاغلا گلن سناریو رقه فورمولونون آمریکا طرفین‌دن ایدلیبه تطبیق ائدیلمه‌سی‌دیر. بئله‌لیکله پ.ک.ک / ی.پ.گ ایله بورادا بیر عملیات تشکیل ائدیلیر. بو سناریو تورکیه‌نین عفرینده موداخیله‌سی‌نین قارشی‌سینی باغلایا‌جاق، ی.پ.گ-نین فعالیت ساحه‌سینی گئنیشلن‌دیرمک و آمریکانین سوریه‌دکی تأثیرینی بو بؤلگه‌یه ده داشییا‌جاق. آمریکا، پ.ک.ک / پ.ی.د ایله بئله بیر عملیاتا گیریشیرسه اساس مقصدلری بون‌لار اولا‌جاق: تورکیه‌نین مرز بویونجا میدانا گتیرمه‌یه چالیشدیغی امنیت قورشاغینی پایلاماق؛ فیراتین غرب حیسه‌سینده گوجلو مولاییم موخالیفت تشکیلاتلانمانین قارشی‌سینی آلماق؛ روسیانین حومیم پایگاهینی ناراحات ائتمک اوچون، ی.پ.گ-نین عفرینده سارسیدیلماسی ایله نتیجه‌لندی. تورکیه و روسیانین بو عملیاتی قبول ائتمه‌سی آسان دئییل.

ایدلیب مسئله‌سی‌نین بیر اؤلچوسو کؤرفز بحرانی ایله باغلی‌دیر. قطره قارشی محاصیره حرکاتی باشلا‌دان سعودی عربیستانی و موتتفیق‌لری سوریه ساحه‌سینده ده قطرین تأثیر ساحه‌سینی دارالتماق پلانلاشدیریر. شام قورتولوش هیاتی‌نین مشهور آدلاری‌نین ژوئیه آییندا ایدلیبده یاشانان چاتیشما‌لار اثناسیندا یایینلان سس قیدلرینده ائتدیگی چاغیریش‌لارینی سعودی عربیستانی و موتتفیق‌لری‌نین ایفاده‌سی و گوندمی اولدوغو بیلینیر.

تورکیه جمهوری باشقانی پرزیدنت سؤزچوسو ایبراهیم کالین‌ین ایدلیب تورک و روس عسگرلری‌نین قونوشلاندیریلابیله‌جگینی آچیقلادی. اونسوز دا چاتیشماسیزلیک بؤلگه‌لرینه موشاهیدچی اولا‌راق موختلیف اؤلکه‌لرین عسگرلری‌نین قونوشلانابیله‌جگی داها اوّل قرارلاشدیریلمیشدی. روسیانین ایدلیبدکی القاعده طرفداری میدانا گلمه‌لره قارشی آغیر موباریزه نی همیشه شرط قاچدیغی بیلینیر.

ایدلیب‌دن یاخین‌لاشان بیر بحرانا اؤنلم آلینماسی باغلامیندا. تورکیه و روسیانین امکداش‌لیغی اهمیت‌لی و ایستیقرارلی بؤلگه‌لرین یارادیلماسینی ارادیه نی قورومالاری گره‌کیر. بو نقطه‌ده تورکیه طرفین‌دن دستک‌لنن مولاییم موخالیف قروپ‌لار اوچون ده بؤیوک مسئولیت‌لر دوشور.

تورکیه‌نین باشدا داعش اولماقلا بؤلگه‌دکی ترور قروپ‌لارینا قارشی باشلاتدیغی فیرات قالخانی عملیاتی‌نین چوخ اهمیت‌لی نتیجه‌لری اولدو. تورکیه جنوب مرزی بویونجا اوزانان پ.ک.ک / ی.پ.گ دهلیزی‌نین کسدی بو بؤلگه‌یه مولاییم موخالیف‌لری یئرلشدیریلدی. فیرات چایی‌نین غربینده منبیچ خاریجینده اهمیت‌لی بیر ساحه‌سی نظارت آلتینا آلینا‌راق مرز امنیتی تامین ائدیلدی. عفرینده ائدیلمه‌سی گؤزلنیلن حرکاتلا تورکیه، آمریکا و پ.ک.ک / ی.پ.گ-نین الین‌دکی ساحه ایله بو دهلیزین اولا بیله‌جک سون نقطه‌سی عفرین ایله اسد رژیمی آراسین‌داکی ایرتیباطی قطعی اولا‌راق بیتیره بیلیر. ایدلیبده ده تورکیه و مولاییم موخالیف‌لر کونترولو تامامیله تامین ائتسه پ.ک.ک / ی.پ.گ-نین دهلیز خیال‌لاری، تورکیه‌نین سوریه ساحه‌سین‌دن چیخاریلماسی پلان‌لاری و تورکیه ایله عرب دونیاسی‌نین باغی‌نین قوپاریلماسینا ایستیقامت‌لی تلاشلارا مانع تؤره‌دیله بیلر.

---------

آتاتورک اونیورسیته اولوسلار آراسی علاقه‌لر شعبه‌سی آراشدیرماچیسی جمیل دوغاچ ایپک‌ین موضوعیا باغلی قیمتلندیرمه‌سینی تقدیم ائتدیک ...



ایلگیلی‌لی خبرلر