تورکیه پنجره‌سیندن اورتادوغو (30)

ترور تشکیلاتی پ.ک.ک-نین سوریه قولو اولان پ.ی.د / ی.پ.گ-نین ایچری‌سینده جیدی سایدا غرب اؤلکه‌لری منشأ‌لی خاریجی تروریست ساواشچی وار

تورکیه پنجره‌سیندن اورتادوغو (30)

تورکیه پنجره‌سیندن اورتادوغو (30)

ترور تشکیلاتی پ.ک.ک-نین سوریه قولو اولان پ.ی.د / ی.پ.گ-نین ایچری‌سینده جیدی سایدا غرب اؤلکه‌لری منشأ‌لی خاریجی تروریست ساواشچی وار. بیز ده بو هفته پروقرامیمیزدا پ.ی.د / ی.پ.گ ایچری‌سین‌دکی خاریجی تروریست ساواشچیلاری و بؤلگه‌یه عکس اولونما‌لارینی آنالیز ائدجگیک.

آتاتورک اونیورسیته‌سی بین الخالق ایلیشکیلر بؤلومو آراشدیرماچی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائدیریک ...

 

خاریجی تروریست ساواشچی (یتس) آنلاییشی داعشین 2014-جو ایلده سوریه و عراقدا سرعتله یاییلماسی ایله گوندمه گلدی. داعشین دونیانین هر طرفین‌دن سمپاتیزان‌لارینی بؤلگه‌یه دؤیوشمه‌یه دعوت ائتمه‌سی، 24 سپتامبر 2014-جو ایلده بیرلشمیش میللت‌لر تشکیلاتی‌نین امنیت شوراسی (بمگک) طرفین‌دن یتس باش‌لیق‌لی 2178 نو.لو قرارین آلینماسینا سبب اولدو. بمگکنین بو قراریندا خاریجی تروریست ساواشچی؛ "ایقامت ائتمکده و یا اویروک‌لاری‌نین باغلی اولدوغو بیر دولت‌دن باشقا بیر دولته، تروریست فعالیت‌لر رئال‌لاش‌دیرماق، پلانلاماق، حاضیرلیغی ایچینده اولماق و یا یئر ائتمک مقصدیله سیاحت ائدن؛ یا دا سیلاح‌لی چاتیشما‌لارلا باغلی اولان‌لار داخیل اولماقلا ترور تحصیلی آلان و یا وئرن شخص‌لر "اولا‌راق تعیین اولوندو.

سوریه‌ده آرتان داعش وارلیغی‌نین سونرا، 2014-جو اعتباراً پ.ک.ک / پ.ی.د ترور تشکیلاتینا بیر چوخ اؤلکه‌دن یوزلرله خاریجی تروریست ساواشچی قاتیلدی. آنجاق غرب‌لی اؤلکه‌لر بو مسئله ایله ماراقلانمادی. کؤنول‌لو ساواشچیلار، لئژیونرلرین کیمی آدلارلا بو موضوع اؤتورولدو. غرب اؤلکه‌لری یالنیز رادیکال اینانج اثناسیندا فعالیت گؤسترن ترور تشکیلات‌لارینا قاتیلان خاریجی‌لرله ماراق‌لانیر. پ.ی.د-یه قاتیلان باتی‌لی‌لارلا-آوروپا‌لی‌لارلا علاقه‌دار هئچ بیر عملیات ائدیلمه‌دی. پ.ک.ک / پ.ی.د، 2014-جو ایلده اینترنت و اجتماعی مئدیا اوزرین‌دن داعشا قارشی دؤیوشمک اوچون خاریجی‌لره دعوت گؤندرمه‌یه باشلادی. اینگیلتره، آمریکا، کانادا، اوسترالیا، آلمانیا، دانمارک، یونانیستان، فنلاند، فرانسا و حتی چین‌دن گلن تخمینن 500 خاریجی تروریست ساواشچی پ.ک.ک / پ.ی.د سیرا‌لارینا قاتیلدی. 17ی ده بؤلگه‌ده یاشانان چاتیشما‌لاردا اؤلدو.

بو گون پ.ک.ک ترور تشکیلاتی اوچون بیر کورد دولتی‌نین قورولماسی انترناسیونال سوسیالیزمی یایماق اوچون بیر واسطه حالینا گلدی. پک.ک تطبیقلریله علاقه‌سی اولمایان آنجاق دبدبه‌لی ایفاده‌لرله گوندمده توتولان "دموکراتیک موختاریت" و س. پروژه‌لرین اورتا شرقین کناریندا سول حرکت‌لره ایلهام وئردیگی گؤرولور. بو آن پ.ک.ک / پ.ی.د طرف‌لرینده ساواشان لاکین سیلاح‌لی تحصیل‌لری، شدت تجروبه‌لری، جینایت علاقه‌لری و رادیکال فیکیرلریله غربه ار یا دا گئج دؤنه‌جک اولان یوزلرله رادیکال سول خادیم وار. پ.ک.ک-نین آوروپا‌داکی آشیری-سول قروپ‌لارلا تاریخی باغ‌لارینی و علاقه‌لرینی بیلیریک. بو سبب‌دن بیر گون گئری دؤنه‌جک غرب خاریجی تروریست ساواشچیلر غرب امنیتی و بین الخالق نیزام باخیمین‌دان دیگر خاریجی ساواشچیلاردان داها آز تهلوکه‌لی دئییل.

غربین پ.ی.د-یه اولان دستگی‌نین آلتیندا یاتان تمل سبب اولا‌راق پ.ی.د-نین "سکولار" اولماسی گؤستریلیر. آنجاق بورادا بیر حیس سهوی وار. چونکی پ.ی.د-نین سکولرلیغی‌نین، معاصیر غرب سکولار و دموکراتیک آنلاییش ایله یاخین‌دان اوزاق‌دان هئچ بیر علاقه‌سی یوخ‌دور. پ.ی.د، سووئت پولیتبوروسونون و چین کوممونیست پارتیسی‌نین سکولرلیک آنلاییشینی تعقیب ائدیر. بو سببله پ.ی.د-نین سکولرلیغی، سوریه‌نین یئنی‌دن اینشاسی اوچون ایقتیصادی و سیاسی لیبرالیزمه دؤنوشمز. بو آندا پ.ی.د-نین حرکتی ایداره‌سی آلتیندا اولان تطبیق سوسیال-سیاسی قورولوش و ایقتیصادی اوره‌تیم مودل‌لری، مائویست بیر پارادیگما چرچیوه‌سینده "کومونلری" سؤیکنیر. پ.ی.د کونترولونداکی سوریه تورپاقلاریندان‌ "غرب یاناشمایا صاحب بیر بؤلگه" چیخماسینی گؤزلمک بؤیوک بیر سهو اولار. بو بؤلگه‌لرده سربست بازار ایقتیصادی، فردیتچی‌لیک، ایفاده آزادلیغی و لیبرال صاحیبکارلیق کیمی آنلاییش‌لار اصلا اولمایا‌جاق. چونکی پ.ی.د، "کومونال" بیر اوتوپیا یوخوسو گؤرور و اؤزونو نئو-مائویست و نئو-ایستالینیست آنلاییش‌لارلا تعیین ائدیر.

غرب اؤلکه‌لری داعش ترور تشکیلاتینی هم سوریه و عراق هم ده بوتون دونیا اوچون بؤیوک بیر تهدید اولا‌راق گؤرور. بو چوخ دوغرو بیر تثبیت. آنجاق داعشه قارشی دؤیوشمک اوچون پ.ک.ک / پ.ی.د سیرا‌لارینا قاتیلان اینسانلاری خاریجی تروریست ساواشچی اولا‌راق گؤرمور. بو ایسه چوخ بؤیوک بیر سهو.

پ.ک.ک / پ.ی.د بونیه‌سین‌دکی خاریجی ترورچولارین داعش ایله موباریزه سونا چاتدیغیندا پ.ی.د-‌لی ترورچولارلا بیرلیکده تورکیه‌یه یا دا باشقا بیر اؤلکه‌یه ایستیقامت‌لی بیر تروریست حرکتده بولونمایاجاق‌لار ضمانتی وار می؟ داعش سوریه‌دن و عراق‌دان تمیزلندیگینی بو شخص‌لر نه اولا‌جاق‌لار؟ عینی شکیلده مارکیست-لئنینیست شخصیتی ایله بیلینن بو شخص‌لر غربه، اؤز اؤلکه‌لرینه دؤندوک‌لرینده اؤز فیکیرلری‌نین عکسینه دوشونن بیر قروپا قارشی تروریست تهدید اولوشدورمایاجاق‌لارینی کیم سؤیله‌یه‌بیلیر؟ سونوچ اولا‌راق غرب خاریجی تروریست ساواشچی‌لره- آنارشیست حرکت‌لره سوریه‌نین شمالیندا منطقه تانینماسی و حرکت قابیلیت‌لری‌نین بو شکیلده آرتماسینا ایمکان تانینماسی اورتا و اوزون وعده‌ده آوروپا و غرب امنیتی باخیمین‌دان بؤیوک ریسک‌لر ساخلاییر. غرب بو باره‌ده آرتیق تدبیر آلما‌لی و پ.ی.د / ی.پ.گ-یه دستگینی کسمه‌لی. غرب دولت‌لری بو آندا پ.ی.د / ی.پ.گ طرف‌لرینده ساواشان وطنداش‌لاری‌نین بیر گون تورپاق‌لارینا پوتانسیل بیر "Joseph Vissarionovich Stalin" اولا‌راق گئری چئویرمک بیلر اطراف‌لیجا دوشونمک لازیم‌دیر.

--------

آتاتورک اونیورسیته‌سی بین الخالق ایلیشکیلر بؤلومو آراشدیرماچی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائتدیک ...



ایلگیلی‌لی خبرلر