تورکیه پنجره‌سیندن اورتادوغو (28)

تورکیه‌نین جنوب سرحدینده و فیرات قالخانی بؤلگه‌سینده سون هفته‌لرده نیظامی حرکت‌لی‌لیک آرتیر. بو وضعیت عقل‌لارا "ترورلا موباریزه‌ده یئنی هدف عفرین می اولاجاق؟" سوالینی گتیریر

تورکیه پنجره‌سیندن اورتادوغو (28)

تورکیه پنجره‌سیندن اورتادوغو (28)

 

تورکیه‌نین جنوب سرحدینده و فیرات قالخانی بؤلگه‌سینده سون هفته‌لرده نیظامی حرکت‌لی‌لیک آرتیر. بو وضعیت عقل‌لارا "ترورلا موباریزه‌ده یئنی هدف عفرین می اولاجاق؟" سوالینی گتیریر. بیز ده بو هفته پروقرامیمیزدا اولابیله‌جک عفرین عملیاتی‌نین و بؤلگه‌یه عکس اولونما‌لارینی آنالیز ائدجگیک.

آتاتورک اونیورسیته‌سی اولوسلار آراسی ایلیشکیلر بؤلومو آراشدیرماچی جمیل دوغاچ ایپک‌ین موضوعیلا باغلی دگرلندیرمه‌سینی تقدیم ائدیریک ...

--------

فیرات قالخانی عملیاتی باشاریله نتیجه‌لندی آنجاق تورکیه‌نین سوریه‌نین شمالیندا ترورلا موباریزه هدف‌لری بیتمه‌دی. تورک سیلاح‌لی گوجلری‌نین و آزاد سوریه اوردوسونون عفرین یاخین‌لاریندا حرکت‌لی‌لیک گؤسترمه‌سی بؤلگه ایجتیمایتده عفرینده ایستیقامت‌لی بیر عملیات گؤزلمه‌سی دوغوردو. عفرین؛ کورد، تورکمن و عرب‌لردن عبارت اولان تخمینن 200 مین نفرلیک بیر اها‌لییه صاحب. تورکمن و عرب‌لرین بؤیوک بیر بؤلومو ترور تشکیلاتی پ.ک.ک-نین تضییقی سببیله تورکیه‌یه کؤچ ائتمک مجبوریتینده قالدی. عفرین ترور تشکیلاتی پ.ک.ک-نین اساس اولا‌راق ایستیفاده ائتدیگی، تورکیه‌یه تروریست / جان‌لی بومبا سیزدیردیغی، ایشچی یئتیشدیردیگی آمانوس داغلارینداکی ترور فعالیت‌لرینی بسله‌ین بیر لوکاسیون. کیلیس جنوبون‌داکی اعزاز شهری ده پ.ک.ک / ی.پ.گ طرفین‌دن چوخلو هدف آلینیر. بو گرگین‌لیک سوریه‌لی‌لر بؤلگه‌یه گئری دؤنوشو قارشی‌سیندا ده مانع. بو بؤلگه‌ده اعتبارلی نسیل یاراتماق ایسته‌ین تورکیه باخیمین‌دان عفرین مسئله‌سی‌نین حلّ ائدیلمه‌سی بیر احتیاج.

بو اینکیشاف‌لار قارشی‌سیندا ایسه ترور تشکیلاتی پ.ک.ک / ی.پ.گ عملیات باشلایارسا تورکیه ایچری‌سینده ترور فعالیت‌لری ائدجگینی سؤیله‌یه‌رک تهدیدله جواب وئردی. یالنیز بو تهدید بئله پ.ک.ک ایله پ.ی.د / ی.پ.گ-نین آیری تشکیلات‌لار اولدوغونو ادعا ائدن‌لرین دوغرو سؤیلمدیک‌لرینی گؤستریر. تورکیه، داعشدن بوشالان بؤلگه‌یه بیر باشقا ترور تشکیلاتی‌نین گیرمه‌سینی ایستمیر. بو سببله، عفرینده سوریه‌نین شمالیندا میدانا گله بیله‌جک پ.ک.ک / ی.پ.گ ایداره‌سین‌دکی بؤلگه‌نین مانع تؤردیلمه‌سی اوچون کریتیک بیر هدف اولا‌راق گؤرور. عفرین، ترور تشکیلاتی پ.ک.ک و اونون سوریه‌دکی قوللارییلا موباریزه‌ده چوخ اهمیت‌لی. عفرین، پ.ک.ک-ده تمیزلنیرسه تورکیه 240 کیلومتر اوزونلوغون‌داکی بیر خطده ترور تشکیلاتی‌نین تورکیه توپراقلارییلا علاقه‌سینی کسمیش اولا‌جاق.

طبیعی کی بو مدتده روسیا و آمریکانین رفتاری کریتیک. خصوصیله روسیانین گؤروشو چوخ اهمیت‌لی. مطبوعاتا عکس اولوندوغو قدریله، روسیانین موضوعیلا باغلی اولویت‌لری بون‌لاردیر: شامین قورتولوشو تشکیلاتی‌نین ایدلیب چیخاریلماسی؛ آمریکا ایله اورتاق حرکت ائدن ی.پ.گ-نین جزالاندیریلماسی؛ سوریه‌ده گئتدیکجه داها چوخ امکداش‌لیق ائتدیگی تورکیه‌نین طلب‌لری‌نین قارشیلانماسی. بو ایستیقامتده، روسیانین تل ریفات بؤلگه‌سین‌دکی بیر عملیاتا تصدیق وئره بیله‌جگینی سؤیله‌یه بیلریک. آنجاق روسیا، عملیاتین اوزون وعده‌ده گئنیشلنیب عفرینده هامی‌سینی احاطه اوچون باشقا شرط‌لر ده ایره‌لی بیلر. احتیماللا روسیا، ی.پ.گ-نی تامامیله گؤزدن چیخارمایا‌جاق. چونکی بو آندا عفرین و اطرافیندا روسیانین ی.پ.گ ایله تماس حالیندا اولان بیر نیظامی وارلیغی وار. آنجاق، ی.پ.گ-نین آمریکایا تامامیله آنگاژا اولماسی، روسیانی گوج‌لو بیر مساژ وئرمه‌یه ایته‌له‌یه بیلر.

آمریکانین اولا بیله‌جک عملیاتا دستک وئرممه‌سی سورپریز اولماز. طبیعی آمریکانین عملیاتی بلوکر باره‌سینده نه کیمی ایستراتژی‌لر سینایاجاغیق بو مرحله‌ده بیلینمیر. سون دؤورده تورکیه‌یه آمریکالی اوست سویه مسئول‌لارین زیارت‌لری آرتدی. زیارت‌لردن مطبوعاتا یانسییان‌لارا گؤره آمریکا دیپلوماتیک اصول‌لارلا یاخین‌لاشان عملیاتی انگللنمه‌یه چالیشیر. اگر تورکیه، آمریکایا باخمایا‌راق بو عملیاتی گرچکلشدیریرسه سوریه ساحه‌سینده اؤزونو اوزوسته بوراخان و داها دا اهمیت‌لی‌سی ترور تشکیلاتی اولا‌راق گؤردوگو بیر قروپو دستکله‌ین موتتفیقینی قارشی بیر سالدیری ائده‌جک. بو شکیلده، فیرات قالخانی عملیاتی و قطر بحرانین‌دان سونرا، آمریکایا قارشی اوچونجو دفعه اویون پوزوجو بیر سالدیری رئاللاشدیرمیش اولا‌جاق.

عفرینده اولابیله‌جک عملیاتا ایستیقامت‌لی بو آندا قارشیمیزدا اوچ بؤیوک احتیمال وار. بیرینجی‌سی گئنیش قاپساملی و عفرینده ده ایچینه آلا‌جاق بیر عملیات. ایکینجی‌سی، محدود بیر هدف و ساحه‌یه ایستیقامت‌لی بیر نیظامی عملیات. اوچونجو احتیمال ایسه بو عملیاتین یالنیز ایفاده سویه‌سینده قالماسی و یاخین گله‌جکده بیر عملیات ائتمه‌سه‌نیز ایستیقامتینده. سایدیغیمیز هر احتیمال طبیعی کی فرق‌لی شرط‌لر آلتیندا گرچک اولا بیلر. آنجاق ساحه‌دکی معلومات‌لارا، موجود حاضیرلیق‌لارا و اولوسلار آراسی شرایط یاشانان اینکیشاف‌لارا باخدیغیمیزدا ایکینجی احتیمالین رئاللاشما احتیمالی داها یوکسک. ائدیله‌جک عملیات قیسا وعده‌ده بوتون عفرینده دئییل تل ریفاتین شرقین‌دکی و شمالین‌داکی ایستراتژی یئرلری احاطه ائده بیلر. آنجاق، بو پروسس یالنیز قیسا مدت‌لی اولا‌راق دا پلانلانمایابیلیر. اوزون وعده‌ده فیرات قالخانی عملیاتیندا اولدوغو اوزون داوام‌لی و چوخ اؤلچولو بیر چاتیشما پروسه‌سی ده یاشانا‌بیلر.

نتیجه اولا‌راق اولابیله‌جک عفرین عملیاتیندا ان کریتیک نقطه تورکیه ایله روسیانین چاتاجاغی راضیلاشما. اگر تورکیه ایله روسیا آراسیندا عفرین عملیاتی موضوعسوندا قطعی بیر راضیلاشما الده ائدیلسه و بو راضیلاشما عملیات هدف‌لره چاتانا قدر قورونابیلیرسه تورک سیلاح‌لی گوجلری و آزاد سوریه اوردوسو ساحه‌ده ترور تشکیلاتی پ.ک.ک-یا قارشی اوغورلو بیر عملیات ایجرا ائده‌جک.

---------

آتاتورک اونیورسیته‌سی اولوسلار آراسی ایلیشکیلر بؤلومو آراشدیرماچی جمیل دوغاچ ایپک‌ین موضوعیلا باغلی دگرلندیرمه‌سینی تقدیم ائتدیک ...



ایلگیلی‌لی خبرلر