تورکیه پنجره سیندن اورتادوغو (26)

اسد رژیمینه عایید بیر ساواش اوچاغی‌نین رقه یاخینلیغیندا آمریکا طرفین‌دن سالینماسی و ایرانین دیرالزورا ایستیقامت‌لی بالیستیک موشک سالدیریسی سببیله سوریه‌ده گؤزلر بو ایکی بؤلگه‌یه چئوریلدی

تورکیه پنجره سیندن اورتادوغو (26)

 

تورکیه پنجره سیندن اورتادوغو (26)

-------

اسد رژیمینه عایید بیر ساواش اوچاغی‌نین رقه یاخینلیغیندا آمریکا طرفین‌دن سالینماسی و ایرانین دیرالزورا ایستیقامت‌لی بالیستیک موشک سالدیریسی سببیله سوریه‌ده گؤزلر بو ایکی بؤلگه‌یه چئوریلدی. بیز ده بو هفته پروقرامیمیزدا سوریه‌نین بو بؤلگه‌لرین‌دکی اینکیشاف‌لاری و بؤلگه‌یه عکس اولونما‌لارینی آنالیز ائدجگیک.

آتاتورک اونیورسیته‌سی اولوسلار آراسی ایلیسکی‌لر بؤلومو آراشدیرماچی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائدیریک ...

--------

سوریه‌نین شرقینده رئال‌لاشان ایکی گلیشمه سوریه بحرانینی یئنی اؤلچولری ایله درین‌لش‌دیرمک نامیزد. 18 ژوئن بازار گونو گونورتا‌دان سونرا اسد رژیمینین هاوا گوجلرینه عایید سو-22 مودل بیر ساواش اوچاغی، رقه یاخینلیغیندا تابیق‌ا اطرافیندا بومبا‌لارینی بوراخدیق‌دان قیسا مدت سونرا آمریکانین اف-18 ساواش اوچاغی طرفین‌دن وورولدو. آمریکا طرفین‌دن ائدیلن آچیقلامایا گؤره اسد رژیمینین اوچاغی آمریکانین دستکلدیگی سدگ (سوریه دموکراتیک گوجلری) سنگرلرینی وورماسی سببیله سالیندی. آچیقلامادا آمریکا دستگی آلتین‌داکی گوجلره بنزر بیر سالدیری اولماسی وضعیتینده عینی قارشیلیغین یئنی‌دن وئریله‌جگی ده وورغولاندی. دیگر طرف‌دن ایران ایسه دیرالزورداکی داعش عضولرینه یؤنلیک بیر موشک سالدیریسی تشکیل ائتدی. ایرانین غربین‌دن آتیلان موشک‌لر عراقی کئچه‌رک، تخمینن 600 کیلومتر اوزاق‌لیق‌داکی هدف‌لری ووردو. بو گلیشمه ایرانین بالیستیک موشک مودرنیزاسیونونون گلدیگی نقطه‌نی گؤسترمه‌سی باخیمین‌دان دا اهمیت‌لی بیر ایشاره.

روسیا فدراسیونو ایسه آمریکانین اسد رژیمینین اوچاغینی سالماسینی آغیر بیر آچیقلاما ایله قارشیلادی. آمریکا ایله آراسین‌داکی چاتیشماسیزلیک ساحه‌سی آندلاشماسینی و علاوه اولا‌راق معلومات موبادیله‌سینی، دایاندیردیغینی بیلدیریب. روسیا بو تطبیقی سوریه‌نین عمومیتینه ائتمیر. بونونلا باغلی روسیانین قیرمیزی خطی فیراتین غربی. بون‌دان سونرا روسیا هاوا گوجلری، فیراتین غربینده آمریکا و موتتفیق‌لری‌نین بوتون فعالیت‌لرینی نیظامی هدف اولا‌راق ایزله‌یه‌جک. بئله‌جه روسیا، آمریکایا (آنا گؤوده‌سینی ترور تشکیلاتی پ.ک.ک-نین سوریه قولو پ.ی.د/ ی.پ.گ-نین میدانا گتیردیگی) سوریه دموکراتیک گوجلری فیراتین غربینه کئچسه، وورابیلیریم مساژی وئریر.

خاطیرلاناجاغی کیمی تورکیه ده بو باره‌ده آمریکانی دفعه‌لرله خبردار ائتدی. بیر ایلدن چوخ بیر مدت اوّل (آمریکا دستگینده ی.پ.گ-لیلر هله مونبیچ دوغرو ایره‌لیلمه‌یه باشلامازدان اوّل) تورکیه آمریکایا ی.پ.گ-نین فیراتین غربینه کئچممه‌سی لازیم اولدوغونو سؤیله‌دی. بو موضوعدا اسکی آمریکا خاریجی ایشلر ناظیری جان کری بیر نئچه دفعه سؤز ده وئردی. آنجاق بو سؤزلر تأسف کی، توتولمادی.

سوریه ایچ ساواشی آرا‌لاریندا مین‌لرله کیلومتر اولان اؤلکه‌لری بیر-بیرینه ایستی تماس‌لار و دوشمنجه حرکت‌لر سرگیله‌یه‌جک شکیلده یاخین‌لاش‌دیران بیر وضعیته چئوریلیر. بو سبب‌دن، سوریه ایچ ساواشی، بؤلگه‌سل زنجیرلمه بیر اعتراضی آتشلیه‌بیله‌جک کریتیک نقطه‌ده. سوریه‌نین شمالیندا، آمریکا اؤندرلیگینده داوام ائدن عملیات بو آندا رقه یاخینلیغیندا. دیگر طرف‌دن اسد رژیمی گوجلری ده رقه‌یه یاخینلاشیر. جنوبدا ایسه ال-تانف اطرافیندا و اوردون مرزی بویونجا، کریتیک ایستی تماس خطی ده اورتایا چیخیر.

اؤلکه‌نین غربین‌دکی چاتیشما‌لار قیسمن آزالدی. آنجاق رقه ایله اؤلکه‌نین شرق و جنوبوندا داعشین الین‌دکی دیگر ساحه‌لرده حیاتا کئچیریلن ساواش سرعت قازاندی. رقه و دیرالزور ایللری‌نین زنگین طبیعی قایناق‌لاری وار. آیریجا بو ایللرین تورکیه ایله عراقا جوغرافی یاخین‌لیغی سببیله ایستراتژیک اهمیتی وار. بو سبب‌دن شرق‌دکی ساواشین نتیجه‌سینده و داعش ایداره‌سین‌دکی بؤلگه‌لرده تشکیلات چیخاریلدیق‌دان سونرا دوغان بوش‌لوغو کیمین دولدوراجاغی، سوریه‌نین گله‌جگینی اهمیت‌لی اؤلچوده تأثیر ائده‌جک.

داعشین سوریه‌نین شرقینده بوراخدیغی بوش‌لوغو کیمین دولدوراجاغی خوصوصو چوخ اهمیت‌لی بیر موضوع. چاتیشما سونراسینی پلانلامادا داعشی سرعت‌لی بیر شکیلده الین‌دکی بؤلگه‌لردن چیخارماق مختلیف ریسک‌لر ساخلاییر. بو وضعیت داعشین ترور شبکه‌سی‌نین تهلوکه‌لی بیر چئوریلمه یاشاماسینا و داعشدن یئنی ترور تشکیلات‌لاری‌نین تورمسینه سبب اولا بیلر. داعشین نیظامی باخیم‌دان گئریلمه‌سی یاخود مشهور لیدرلرین‌دن بیر قیسمی‌نین اؤلدورولمه‌سی اولوسلار آراسی ساحه‌ده ممنونیتله قارشی‌لانیر. آنجاق داعش وحشی‌لیگی‌نین یئری عراق و سوریه‌ده وحشی تطبیق‌لری ایله گوندمه گلن شیعه میلیتان‌لار و ایران یاییلماجی‌لیغی ایله اورتا شرقین ان وحشی ترور تشکیلاتلاریندان‌ پ.ک.ک-نین آلاجاغی ناراحات‌لیق‌لاری درینلشیر. داعش سونراسیندا ایرانین پارامیلیتئ.ر میلیتانلاری ایله پ.ک.ک آراسیندا بؤیوک بیر پایلاشیم ساواشی چیخماسی دا احتیمال. بو نقطه‌ده آمریکا دستک وئردیگی پ.ی.د / ی.پ.گ / پ.ک.ک اوزرین‌دن اؤزونو هئچ ایستمدیگی نوع‌دن چاتیشما‌لارین طرفی اولا‌راق گؤره‌بیلر. تورکیه‌نین خبردارلیق‌لارینا باخمایا‌راق پ.ی.د / ی.پ.گ / پ.ک.ک-نی ناتو پرینسیپ‌لری خاریجینده دستکلمه‌نین اوزینی تام دا بو بدلینی آغیر بیر شکیلده اؤده‌یه بیلر.

نتیجه اولا‌راق، سوریه ایچ ساواشینی هم شمال بؤلگه‌سینده هم ده جنوب بؤلگه‌سینده یئنی بیر مرحله‌یه گیریر. بو یئنی مرحله، گرگین‌لیک‌لرین دیرماشماسی وضعیتینده ایچری‌سینده اهمیت‌لی ریسک‌لری ساخلاییر. عملیات سویه‌ده ائدیله‌جک سهو حسابلاما‌لار بؤیوک چاتیشمالارا سبب اولا بیلر. اسد رژیمی و موتتفیق‌لری‌نین ایشلدیگی اینسانلیغا قارشی جینایت‌لر، داعش و پ.ک.ک کیمی ترور تشکیلات‌لاری‌نین مرحمت‌سیز ترور سالدیری‌لاری سوریه‌نی و خالقینی یوخ ائتدی. بو نقطه‌ده سهو‌لرده ایصرار سوردورولورسه سوریه ایچ ساواشی بؤلگه‌سل بیر چاتیشمایا چئوریلمه ریسکی ده داشیییر.

---------

آتاتورک اونیورسیته‌سی اولوسلار آراسی ایلیسکی‌لر بؤلومو آراشدیرماچی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائدیریک ...



ایلگیلی‌لی خبرلر