تورکیه پنجره‌سیندن اورتادوغو(24)

سعودی عربیستانی، بیرلشیک عرب امیرلیک‌لری و میصر ده داخیل اولماقلا بعضی عرب اؤلکه‌لری‌نین موختلیف اتهام‌لارلا قطر ایله دیپلوماتیک علاقه‌لرینی کسمه‌سی کؤرفز بؤلگه‌سینده سون دؤوردکی ان بؤیوک دیپلوماتیک بحرانا یول آچدی

تورکیه پنجره‌سیندن اورتادوغو(24)

تورکیه پنجره‌سیندن اورتادوغو(24)

-------

سعودی عربیستانی، بیرلشیک عرب امیرلیک‌لری و میصر ده داخیل اولماقلا بعضی عرب اؤلکه‌لری موختلیف اتهام‌لارلا قطر ایله دیپلوماتیک علاقه‌لرینی کسدی. بیز ده بو هفته پروقرامیمیزدا قطر بحرانینی و بؤلگه‌یه عکس اولونما‌لارینی آنالیز ائدجگیک.

آتاتورک اونیورسیته‌سی بین اولوسلار آراسی ایلیشکیلر بؤلومو آراشدیرماچی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائدیریک ...

--------

سعودی عربیستانی، بیرلشیک عرب امیرلیک‌لری و میصر ده داخیل اولماقلا بعضی عرب اؤلکه‌لری‌نین موختلیف اتهام‌لارلا قطر ایله دیپلوماتیک علاقه‌لرینی کسمه‌سی کؤرفز بؤلگه‌سینده سون دؤوردکی ان بؤیوک دیپلوماتیک بحرانا یول آچدی. دیپلوماتیک ایلیشکی‌لرین تامامیله کسیلمه‌سی، آمریکانین ترامپ رهبرلیگی اوزرین‌دن "قطر علاقه‌لری گؤزدن کئچیرین" تضییقی‌نین آرتدیغی بیر دؤورده اولدو. سعودی عربیستانی و اونو همراهی‌لیک اؤلکه‌لر قطرین، تروریزمه دستک وئرمکله گوناهلاندیریر. آنجاق بو اؤلکه‌لرین بو ادعانی دوغرولایابیله‌جک بیر دلیل‌لری یوخدور.

قطر، بصرا کؤرفزینده کیچیک اما بؤلگه سیاستی و ایقتیصادی اوستونده رحم تأثیرلی بیر اؤلکه. 330 مینی وطنداشی اولماقلا قطرده توپلام 3 میلیون نفر یاشامینی سوردورور. دونیانین اوچونجو بؤیوک طبیعی گاز رزرولری ده قطره عایید. اهمیت‌لی اونیورسیته‌لره، دوشونجه قورولوش‌لارینا و الجزیره کیمی بیر اولوسلار آراسی بؤیوک مئدیاشیرکتینه ائو صاحب‌لیگی ائدیر. تورپاق‌لاریندا یئرلشن خاریجی عسگر و پایگاهلار دا وار. تورکیه ایله علاقه‌لری چوخ یاخشی سویه‌ده‌دیر. قطرین بؤلگه‌ده تورکیه ایله انرژی امکداش‌لیغینا یؤنلیک آتدیغی آددیم‌لارین، تورکیه ایله نیظامی ایرتیباطلاری‌نین، حتی تورکیه‌نین قطردکی نیظامی پایگاهی‌نین بیر چوخ کؤرفز اؤلکه‌سینی ناراحات ائتدیگینی گؤروروک.

کؤرفز بؤلگه‌سی‌نین ان زنگین اؤلکه‌سی اولان قطر بؤلگه‌دکی دموکراتیکلشمه حرکت‌لرینه وئردیگی دستک سببیله عرب مللتینین نزدینده چوخ مثبت بیر ایماژا صاحب. باشاریلی بیر شکیلده ایشلئوسلشدیردیغی یومشاق گوجو ایله هم بؤلگه‌سل، هم ده قلوبال سویه‌ده تأثیر صاحبی بیر اؤلکه. اؤزللیکله اینگیلیس و عرب نشر ائدن الجزایره مئدیا قروپو ایله قطر، هم بؤلگه‌سل، هم ده قلوبال سویه‌ده ایجتیماعیت میدانا گتیریر. قطر، کؤرفزده دیگر رهبرلیک‌لرینه گؤره داها لیبرال سیاستی ایله دقت چکیر. عرب باهاری مدتینده کوتلوی مخالیفته و دگیشیمجی آکتورلارا دستک وئرمه‌سی کؤرفز مونارشیلری‌نین قطره اولان اعتراض‌ین تمل سببینی تشکیل ائدیر. قطرین سعودی عربیستانی، بیرلشیک عرب امیرلیک‌لری، میصر و آمریکا طرفین‌دن هدف حالینا گتیرن داها اؤنجه لیک‌لی سبب‌لر ایسه دوحه رهبرلیگی‌نین سیاسی سئچیم‌لری و بونون خاریجی سیاست‌دکی تأثیرلری. نئجه کی؛ تورکیه و قطرین سوریه‌ده اسد علیهداری مولاییم موخالیفتی دستکلدیک‌لرینی بیلیریک. ژنو و آستانا پروسه‌‌لرینده موخالیفتی ماسایا اوتورماغا راضی ائدن ده تورکیه و قطر اولدو.

نفت ایخراج ائدن اؤلکه‌لر بیرلیگی اوپک-ین عضو‌لرین‌دن بیری اولان قطره تطبیق اولونان دیپلوماتیک تحریم‌لر، نفت قیمت‌لرینده ده آغیر یوکسلیشه سبب اولدو. برنت نفتین بوشکا قیمتی% 2 جیواریندا یوکسه‌له‌رک 50 دو‌لار سویه‌سی‌نین اوزرینه چیخدی. بؤلگه‌دکی بحرانین بؤیومه‌سی وضعیتینده قطرین اوپک‌دن آیریلماسی احتیمالی وار. بئله بیر سناریو، نفت قیمت‌لرینده جیدی آرتیما یول آچا بیلر. اومید ائدیریک بو کؤرفز بحرانی تورکیه کیمی بؤلگه‌سل آکتورلارین واسیطه‌چی‌لیگی ایله قیسا مدت ایچینده بیتر. و بؤلگه بیر باشقا کؤرفز ساواشی داها یاشاماز. آنجاق ساواش اوزاق دا اولسا بیر احتیمال. چونکی سعودی عربیستانی‌نین یئنی لیدرلیگی‌نین یمن پروبلمینی رهبرلیک فورماسینا باخدیغیمیزدا، بو بحرانین بؤلگه‌سل بیر ساواشا چئوریلمه احتیمالی آشاغی دا اولسا وار.

تورکیه، اوّلجه عنعنوی خاریجی سیاستینه اویغون اولا‌راق بؤلگه‌ده شیعه-سوننی کیمی مذهبچی قوطوبلاشما‌لاردان اوزاق دایانا‌جاق. آنجاق بؤلگه‌ده اهمیت‌لی موتتفیق‌لرین‌دن بیری اولان قطرین بؤلگه‌سل تجریده معروض قالماسی قارشی‌سیندا دا دوست‌لوغونو گؤستره‌جک. ایسلام امکداش‌لیق تشکیلاتی‌نین دؤور باشقانی اولان تورکیه پرزیدنتی اردوغانین ایجرا ائتدیگی چوخ طرف‌لی دیپلوماسی بو موضوعدا یاخشی بیر باشلانغیج. پرزیدنت رجب طیب اردوغانین قطر بحرانی‌نین باشلادیغی آندان اعتباراً رئاللاشدیردیغی دیپلوماتیک تلاشلار بحرانین داها چوخ تیرمانماماسیندا تأثیرلی اولدو. قطر رهبرلیگی‌نین بحرانین باشین‌دان اعتباراً ایزلدیگی ساغلامفیکیرلی سیاست ده، بحرانین داها چوخ تیرمانماسینی مانع تؤرتدی. تورکیه کؤرفز بؤلگه‌سی‌نین ثابت‌لیگینه اؤز ثابت‌لیگی اولا‌راق گؤرور. داعش ایله، رادیکالیزمله، مذهبچی‌لیک و ایسلاموفوبیا کیمی موضوعلارلا موباریزه‌ده بؤلگه‌دکی بوتون اؤلکه‌لرله امکداش‌لیق ایچری‌سینده اولماغی اهمیت‌لی قبول ائدیر. البته اؤلکه‌لر پروبلم‌لر یا دا فیکیر آیری‌لیق‌لاری یاشایا بیلر. آنجاق هر شرطده دیالوقون داوام ائتمه‌سی لازیم. موجود تابلودان ان چوخ کدر دویان اؤلکه‌لرین باشیندا تورکیه گلیر. بو سببله اؤنوموزدکی مدتده تورکیه وضعیتین نورماللاشماسی اوچون ده الین‌دن گلن هر جور دستگی وئره‌جک.

-------

آتاتورک اونیورسیته‌سی بین اولوسلار آراسی ایلیشکیلر بؤلومو آراشدیرماچی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائتدیک ...



ایلگیلی‌لی خبرلر