تورکیه پنجره‌سیندن اورتادوغو(20)

لیبیده 2011 فوریه اینقیلابی‌نین اوزرین‌دن آلتی ایل کئچدی آنجاق لبناندا بحران هله داوام ائدیر. بیز ده بو هفته پروقرامیمیزدا تورکیه - لیبی ایلیشکیلرینی آنالیز ائدجگیک

تورکیه پنجره‌سیندن اورتادوغو(20)

تورکیه پنجره‌سیندن اورتادوغو(20)

-------

لیبیده 2011 فوریه اینقیلابی‌نین اوزرین‌دن آلتی ایل کئچدی آنجاق لبناندا بحران هله داوام ائدیر. بیز ده بو هفته پروقرامیمیزدا تورکیه - لیبی ایلیشکیلرینی آنالیز ائدجگیک.

آتاتورک اونیورسیته‌سی اولوسلار آراسی ایلیشکیلر بؤلومو آراشدیرماچی جمیل دوغاچ ایپک‌ین موضوعویلا ایلیشکیلی قیمتلندیرمه‌سینی تقدیم ائدیریک ...

 --------

لیبی دوققوزونجو عصردن بو یانا تورک‌لرین یاشادیغی، ایداره ائتدیگی و ماراق گؤستردیگی بیر یئر. بؤلگه‌دکی تورک وارلیغی تولونوغول‌لاری (868-905) ایله باشلاییر، ایهشیدلیلر (935-969)، ایوبی‌نین (1171-1250)، مملوکلر (1260-1517) و 1912-جی ایله قدر عثمانلی‌لارلا داوام ائدیر. عثمانلی‌لارین بؤلگه‌ده ان اوزون مدت الینده توتدوغو اؤلکه لیبی 1912-جی ایلده سوئیس‌نین اوچی شهرینده ایمضالانمیش آندلاشمایلا بؤلگه‌نی ایتالیایا ترک ائدنه قدر تورک‌لر لیبینی بوتون ایمکان‌لارینی ایستیفاده ائده‌رک قورودو. 1912 سونراسیندا دا تورک‌لرین لیبی ایله باغ‌لاری قوپمادی. لبناننین موستقیل‌لیگینی قازانماسی ایله بیرلیکده یئنی‌دن جان‌لانان بو باغ‌لار بخصوص 1970-جی ایللردن اعتباراً سیاسی، ایقتیصادی، تیجارت و مدنی ایلیشکیلرله محکملنیردی.

عرب باهارینین سیاسی نتیجه‌لری لبنان اوچون داغیدیجی اولدو. اؤلکه‌ده چوخ قوطوبلو بیر رهبرلیک اورتایا چیخدی. تورکیه جمهوریتی گرک اینقیلاب اثناسیندا گرکسه ده اینقیلاب‌دان سونرا لیبی و لیبی‌لی‌لره قارشی دوستجا بیر رفتار سرگیله‌دی. 2011-جی ایلین یون آیی اعتباریله تورکیه میللی کئچید شوراسینی لبنان‌ین قانونی نماینده‌سی اولا‌راق تانیدی. تورکیه، یئنی‌دن تشکیلاتلانما پروسه‌لرینده لیبی‌یه دستک اولدو. آنجاق 2014-جی ایلین فوریه-می آیلاریندا خلیفه حفترین کودتا تشببوسو لیبی سیاستی شیدتین اصول اولا‌راق ایستیفاده ائدیلدیگی فرق‌لی بیر دؤوره گیردی. بو گون حفتر رهبرلیگین‌دکی سیلاح‌لی  گوجلر لیبی نین شرقینی ایداره ائدیر. اؤلکه‌نین غربی و جنوبوندا موستقیل سیلاح‌لی قروپ‌لار تأثیرلی. اؤلکه‌ده اوچ فرق‌لی مجلیس و حکومت ادعاسیندا‌دیر. تورکیه، بو بحران اورتامیندا چاتیشما‌لارین طرفی اولماق‌دان اوزاق دایانیر. ایچ چاتیشما‌لارین میللی راضیلاشما اساسیندا سونلاندیریلماسی و سیاسی پروسه‌سین ایشلنمه‌سی لازیم اولدوغونو توصیه ائدیر. تورکیه بمت تشببوسو ایله لیبیدکی بوتون طرف‌لری ایچه‌رن و اؤلکه‌دکی پارچا‌لی قورولوشو بیتیرمک اوچون قورولان میللی راضیلاشما حکومتینه (اومه) دستک وئریر. آنجاق میللی راضیلاشما حکومتینه ایستیقامت‌لی بؤلگه‌سل و اولوسلار آراسی دستک بو آنا قدر اونون پروبلم‌لرینی آشماسینا ایمکان تقدیم ائده‌جک سویه‌یه چاتمادی.

2012-2013-جی ایللرده لیبی سیاستی‌نین تعیین ائدیجی آکتورو اولماغی باجارا بیلمه‌ین خلیفه حفتر مدت ایچری‌سینده بعضی بؤلگه‌سل و اولوسلار آراسی آکتورلارین دستگینی آرخاسینا آلماغی باجاردی. بو دستکله حفتر، مصردکی نیظامی رهبرلیگی تقلید ائده‌رک لیبی نین شرقینده بیر نیظامی رهبرلیک قوردو. بو وضعیت اورتایا جدی بیر چؤزومسوزلوک چیخاردی. بو چؤزومسوزلوک لبناندا یئنی‌دن قورولوشلانما مدت‌لرینی گئجیکدیریر. تورکیه-لیبی ایلیشکیلری ده بو بحران‌دان نسیبینی آلیر و امکداش‌لیق ایمکان‌لاری دارالیر. بو نقطه‌ده کووردیناسیون و امکداش‌لیق اوچون لازیم‌لی آکتورلارا اولاشیلاماماسی، ویزا تطبیقی، تورک شیرکت‌لری‌نین لیبی‌یه گئری دؤنوشو، تورکیه-لیبی آراسیندا پول ترانسفری و تیجارت امکداش‌لیق موضوعلاریندا جدی پروبلم‌لر یاشانیر. بؤلگه‌سل و اولوسلار آراسی آکتورلارین هاراداسا هامی‌سی لبناندا بنزری پروبلم‌لرله قارشی-قارشییا.

تورکیه، لیبی خالقی ایله کؤک‌لو ایلیشکیلره صاحب. ایکی اؤلکه آراسین‌داکی یاخین تاریخی و مدنی باغلار سببیله تورکیه، لیبی خالقی‌نین امنیت و ریفاهینا بؤیوک اهمیت وئریر. فوریه 2011 دئوریمینیندن سونرا تورکیه، میللی کئچید شوراسینی لیبی خالقی‌نین تک نماینده‌سی اولا‌راق تانیدی. 2 سپتامبر 2011 تاریخینده ترابلوس سفیر اونو تعیین ائدن ایلک اؤلکه اولدو. زامان زامان ایکی اؤلکه آراسیندا یاشانان بعضی پروبلم‌لره باخمایا‌راق تورکیه-لیبی ایلیشکیلری مین ایللیک کئچمیشیله گله‌جک اوچون ده جیدی بیر اومید ود ائدیر.

تورکیه، لیبیدکی بحرانین حلینه قاتقی تقدیم ائتمک اوچون (موجود بوتون پروبلم‌لری ده نظره آلا‌راق) بحرانین بیتمه‌سینی گؤزلمه‌دن لیبیدکی دولت قوروم‌لاری‌نین یئنی‌دن قورولماسی اوچون آددیم‌لار آتا بیلر. بو نقطه‌ده اجتماعی رهبرلیگینده متخصص بیر تورک هیاتی یارادیلا‌راق لیبی دولتی‌نین یئنی‌دن اینشاسینا باغلی پروژه‌لر اینکیشاف ائتدیریله بیلر. موضوعویلا ایلیشکیلی بیر یول پلانی چیخاریلا بیلر. چونکی بو بؤلگه‌ده جیدی بیر یئنی‌دن قورولوشلانما مدتی یاشانیر و لیبی بو مدتده دسته‌یه ان چوخ احتیاج دویان اؤلکه. تورکیه‌نین لیبی اؤزلینده تقدیم ائدجگی قاتقی‌لار بؤلگه‌نین هامیسی اوچون بیر مودئل اولا بیلر.

گؤروروک کی؛ تورکیه، لیبی سیاسی آندلاشماسی تملینده باریش و راضی‌لیق ایستیقامتینده آتیلا‌جاق آددیم‌لارا ایستیقامت‌لی فعالیت‌لرینی و لیبینین اراضی بوتؤو‌لوگو ایله میللی بیرلیگینی گوجلو شکیلده دستکلمگی داوام ائتدیره‌جک. لیبیده گؤزلنیلن اینسانی بیر حکومتین قورولوشو ایله امنیتین تامین ائدیلمه‌سی، ثابیتلیگین گئری گلمه‌سی، نفت گلیرلری‌نین آرتماسی ایله تورکیه-لبنان ایقتیصادی ایلیشکیلری‌نین یئنی‌دن باشلاماسی رئاللاشماسی قوت‌لی بیر احتیمال. لیبیده تورکیه اسکی‌دن اولدوغو کیمی، اهمیت‌لی بیر آکتور اولا‌جاق. آنجاق موجود اینکیشاف‌لاری نظره آلساق بو قیسا بیر مدتده دئییل آنجاق اورتا وعده‌ده رئال‌لاشابیله‌جک کیمی گؤرولور.

--------

آتاتورک اونیورسیته‌سی اولوسلار آراسی ایلیشکیلر بؤلومو آراشدیرماچی جمیل دوغاچ ایپک‌ین موضوعویلا ایلیشکیلی قیمتلندیرمه‌سینی تقدیم ائتدیک ...



ایلگیلی‌لی خبرلر