تورکیه پنجره‌سیندن اورتادوغو(15)

سوریه‌نی تعقیب ائدن‌لر اوچون بو شیمیایی سالدیریلار سورپریز اولمادی. چونکی رژیمین بین الخالق حقوقو تاپدالایا‌راق ائتدیگی شیمیایی سالدیریلار ایلک دئییل

تورکیه پنجره‌سیندن اورتادوغو(15)

تورکیه پنجره‌سیندن اورتادوغو(15)

قیسا بیر سوره اؤنجه سوریه’نین ایدلیب اوستانا باغلی خان شئیخون بؤلگه‌سینه اسد رژیمی عنصورلاری طرفین‌دن شیمیایی سال‌دیری‌لار ائدیلدی. بیز ده بو هفته پروقرامیمیزدا ایدلیب’دکی شیمیایی قتل عامی و بؤلگه‌یه اتکیلرینی آنالیز ائده جگیک.

آتاتورک اونیورسیته‌سی اولوسلارآراسی ایلیشکیلر بؤلومو آراشدیرما بؤلوموندن جمیل دوغاچ ایپک‌ین قونویلا ایلگی‌لی دگرلندیرمسینی تقدیم ائدیریک...

-------

2011-جی ایلده بو یانا سوریه‌ده اسد رژیمی الیله بؤیوک بیر وحشی‌لیک یاشانیر. و بوتون بون‌لار دونیانین گؤزو قارشی‌سیندا اولور. رژیم قیرغین‌لارینا هر کئچن گون بیر یئنی‌سینی علاوه ائدیر. 4 آوریلده سوریه‌نین ایدلیب اوستانینا باغلی خان شیخون بؤلگه‌سینه اسد رژیمی عنصورلاری طرفین‌دن شیمیایی سالدیری‌لار ائدیلدی. چوخ اوشاق و قادین اولماقلا 100-دن چوخ اؤلو 500 جیواریندا یارا‌لی وار.

سوریه‌نی تعقیب ائدن‌لر اوچون بو شیمیایی سالدیریلار سورپریز اولمادی. چونکی رژیمین بین الخالق حقوقو تاپدالایا‌راق ائتدیگی شیمیایی سالدیریلار ایلک دئییل. داها اوّل ده اسد رژیمی گوتادا، حلب‌ده و اؤلکه‌نین مختلیف یئرلرینده قاداغان ائدیلمیش کوتلوی قیرغین سیلاح‌لارینی ایستیفاده ائده‌رک اون مین‌لرله اینسانی اؤلدوردو. احتیماللا ایدلیب ده سون اولمایا‌جاق. چونکی اسد رژیمی بین الخالق جمعیت‌دن جیدی بیر تحریم گؤرمور. آچیقلامالاریله و قرارسیز توتومویلا بین الخالق جمعیت تأسف کی، اسد رژیمینه جسارتلندیریر.

اسد رژیمی شیمیایی ترک سیلاح آندلاشماسینا باخمایا‌راق کلور و سایره. شیمیایی ماده‌لری ایستیفاده داوام ائتدیریر. بین الخالق توپلوم جیدی بیر اعتراض وئرمیر. اسد رژیمی بو وضعیتی اؤزونه یان‌دیریلان یاشیل ایشیق اولا‌راق قبول ائدیر. سوریه‌دکی شیمیایی سالدیریلار بین الخالق توپلومون ضعیف سیاستی‌نین بیر نتیجه‌سی. بیرلشمیش میللت‌لر تشکیلاتی‌نین امنیت شوراسی‌نین بوتون بون‌لارا سس‌سیز قالا‌راق حکومتینی ایتیرمک عذره.

اسد رژیمی‌نین بیولوژیک ساواش پروقرامی و بالیستیک موشک اینوانتاری ده یئنی ساواش گوناه‌لارینی اؤزو ایله گتیره بیله‌جک بیر موضوع. اسد گوج‌لری‌نین سون دؤورده ایستیفاده ائتدیغی، موحیط‌دکی اوکسیژنی امه‌ن و چوخ یوکسک ایستی‌لیکده اوزون داوام‌لی پارتلاما‌لارا سبب اولان ترموباریک سیلاح‌لارین دا مانع تؤردیلمه‌سی لازیم‌دیر.

اسد رژیمی هله بیولوژی سیلاح‌لار آنلاشماسینی ایمضالامادی. اسد رژیمی‌نین بیولوژی ساواش پروقرامی چرچیوه‌سینده تولارمی، شاربون، وبا کیمی تهدیدلرله ماراقلاندیغینی قیمتلن‌دیرن ایشلر بین الخالق مئدیادا نشر اولوندو. آیریجا اسد رژیمینین شما‌لی کوره ایله ساوونما امکداش‌لیق ایستراتژی سویه‌ده داوام ائدیر. شما‌لی کوره، بیلدیگینیز کیمی شیمیایی و بیولوژیک ساواش موضوعسوندا دونیانین ان تهلوکه‌لی اؤلکه‌سی.

ایدلیب، اهمیت‌لی بؤلگه‌لرین کسیشمه نقطه‌سینده. مخالیف قروپ‌لارین حاکم اولدوغو بؤلگه‌ده اها‌لی مجبوری کؤچلر سببیله ایکی میلیون جیواریندا. بورا مخالیف‌لرین سوریه‌دکی ان اهمیت‌لی قالاسی. روسیا و اسد رژیمی باخیمین‌دان چاتیشما‌لارین سونا اردیریله‌بیلمسی اوچون یئکون ظفرین قازانیلابیله‌جگی لوکاسیون. ایدلیب مختلیف مخالیف قروپ‌لارین کونترولوندا. لازقیه‌یه یاخین چؤل ساحه‌لرده آزاد سوریه اوردوسو تأثیرلی. ایدلیب جنوب چؤلونده شامی آزادلاشدیرما هیاتی‌نین ( اسکی آدییلا النصرا) فعالیتی وار. تورکیه مرینه یاخین بؤلگه‌لرده ایسه احرارالاشام قوت‌لی.

خان شیخون‌دان بین الخالق مئدیایا عکس اولونان گؤرونتو‌لر اسد رژیمی‌نین شیمیایی سیلاح ایستیفاده‌سینی داوام ائتدیردیگینی گؤستریر. بو وضعیت بمت امنیت شوراسی‌نین 2118 و 2209 سای‌لی قرارلاری‌نین آچیق پوزولماسی آنلامینا گلیر. بو حادثه، اسد رژیمینه اؤنجه‌لیک تهدید گؤرمه‌ین غرب اؤلکه‌لری‌نین پرسپکتیفی‌نین نه قدر سهو اولدوغونو دا اورتایا چیخاردی. سوریه بحرانی‌نین قایناغیندا اسد رژیمی وار. اسد رژیمی آرا‌دان قالما‌دان سوریه‌ده باریش تامین ائدیله بیلمز. بین الخالق جمعیت بو سالدیریلار قارشی‌سیندا اعتراضینی آرتیق اورتایا قویما‌لی‌دیر. شیمیایی سیلاح‌لارین قاداغانلانماسی تشکیلاتی باشدا اولماقلا بوتون بین الخالق تشکیلات‌لار بو جور سالدیریلاری عاجیل اولا‌راق سوروشدورمالی.

تورکیه جمهوریتی، سوریه‌ده 30 دسامبر 2016دا آتشکسین ایجرایه گیرمه‌سی اوچون چوخ تلاش گؤستردی. تورکیه آتشکسه طرف اولان ساحه‌دکی مخالیف قروپ‌لارین آتشکسه اویمالاری یولوندا چالیشدی و بونو باجاردی. روسیا و ایران دا سوریه رژیمی ایله اونون هاوادارلاری‌نین آتشکسه عمل ائتمه‌لرینی تامین ائتمک مسئولیتینی اؤز اوزرینه گؤتوروب. آنجاق گؤرولور کی یا روسیا و ایران بو موضوعدا لازیم‌لی تلاش گؤسترمیر یاخود اسد رژیمی روسیا و ایرانی دینلمیر.

ایدلیب یاشانان هر شئی تورکیه‌نی ده تأثیر ائدیر. تورکیه هله‌لیک کؤچ دالغاسینی مانع تؤره‌دیر. آنجاق بومباردمانین آغیرلاشماسی، اوخشار شیمیایی سالدیریلارین یاشانماسی و حیاتین داوام‌لی حالا گلمه‌سی، تورکیه‌نی یئنی کؤچ دالغاسینا معروض قویا بیلر. تورکیه بو کؤچ دالغاسی باشا چیخامازسا بونون آوروپا اوچون ده چوخ جیدی نتیجه‌لری اولا بیلر.

بؤلگه‌سل اؤلکه‌لری‌نین و موضوعیا طرف قلوبال گوجلرین بیر آن اوّل سیاسی حل اوچون اللرینی داشین آلتینا قویما‌لاری لازیم‌دیر. سیاسی حل اوچون ایسه؛ سوریه‌نین اراضی بوتؤو‌لوگو تامین ائدیلمه‌لی، اسد رژیمی دئوره دیشی بوراخیلما‌لی، ساحه‌دکی بوتون ترور تشکیلات‌لاری (پ.ک.ک / ی.پ.گ-داعش-النصرا) آیری-سئچکی‌لیک اولما‌دان موباریزه ائدیلمه‌لی. بون‌لار خاریجینده آتیلا‌جاق هر آددیم بحرانی درینلشدیرمکددیر باشقا بیر ایشه یارامایا‌جاق.

...............

آتاتورک اونیورسیته‌سی اولوسلارآراسی ایلیشکیلر بؤلومو آراشدیرما بؤلوموندن جمیل دوغاچ ایپک‌ین قونویلا ایلگی‌لی دگرلندیرمسینی تقدیم ائتدیک ...



ایلگیلی‌لی خبرلر