تورکیه مطبوعاتی اؤزتی 18.12.2018

تورکیه‌دن 64 اؤلکه‌یه بالیق ایخراجی

تورکیه مطبوعاتی  اؤزتی 18.12.2018

تورکیه مطبوعاتی  اؤزتی 18.12.2018

حرّیت: "تورکیه‌دن 64 اؤلکه‌یه بالیق ایخراجی"

تورکیه‌دن راپور دؤورونده 64 اؤلکه‌یه، 47 مین 267 تون بالیق ایخراج اولونا‌راق قارشیلیغیندا 222 میلیون 390 مین 102 دو‌لار گلیر الده ائدیلیب. سؤز قونوسو دؤورده ان چوخ ایخراجات هولند، ایتالیا و روسیایا کئچیریلیب.

صاباح: "آلمانیا پاکت تور بازاری‌نین لیدری آنتالیا"

آنتالیا، نوامبر آییندا دا آلمانیا پاکت تور بازاری‌نین لیدری اولوب. آغدنیز توریستیک اوتلچی‌لر و مهمانخاناچی-لار بیرلیگیندن (AKTOB) بیلدیریب‌لر، آلمانیا رزرواسیون تداروکچوسو تراولتاینمنت‌ین گؤستریجی‌لری قیمتلندیریلیب. بونا گؤره، آلمان خالقی‌نین رزرواسیون‌لاری تورکیه‌یه یؤنلرکن، ایسپانیا و یونانیستانا طلب آزالما داوام ائدیر. ایسپانیا دستیناسیون‌لاریندا ایکی رقم‌لی عددله آزالما‌لار گؤرولوب، پالما رزرواسیون‌لاری اوکتوبردا یوزده 33، نوامبردا یوزده 29 گئریله‌دی.

خبر تورک: "بایراکدار دنیز گوجلری اوچون اوچماغا باشلادی"

بایراکتار " TB2 " تیپی اینسان‌سیز هاوا واسطه‌سی (ایها)، دنیز گوجلری اوچون ایلک اوچوشونو حیاتا کئچیریب. دنیز گوج‌لرینه مخصوص چاناققاله هاوا لیمانین‌دان قالخان بایراکدار TB2، منطقه‌دکی ایلک وظیفه‌سینه چیخدی. بایکار ماشین تکنیکی مودیری سلجوق بایراکدار، سوسیال مئدیا حسابین‌دان وئردیگی آچیقلامادا، "دنیز گوج‌لریمیزین بایراکدار TB2 SİHA‌لاری چانققاله‌ده وظیفه‌یه باشلادی، ایلک قالخیشی و ائنیشی ائتدی." دئدی.

ایستار: "تورکیه‌نین یئنی راداری قوش اوچدورمایاجاق"

تورکیه، محدود سایدا اؤلکه‌نین صاحب اولدوغو یوکسک تکنولوژی رادار گلیشدیرمه و اوره‌تیمه قابیلیتینه قوووشور. چوخ مقصدلی فاز ایندسکی رادار (چافراد) فاز-1 پروژه‌سی‌نین سون آددیمی اولان آتش‌لی تست‌لر اوغورلا تاماملاندی. چافراد راداری، اوزون منزیلده سو اوستو و هاوا هدف‌لری‌نین معین و تعقیبینی حیاتا کئچیره‌جک، گمیده اولان ایداره اولونان موشک ایستیقامتلن‌دیره‌رک هدف‌لری یوخ ائده‌جک.

وطن: "محض فنرباخچا و قالاتاسارایین اوئفا آوروپا لیگیندکی رغیب‌لری"

اوئفا آوروپا لیگینده پوشک هیجانی یاشاندی. سون 32 تورو جوتلشمه‌لرینی معین ائدن کور چکیمی سوئیس‌ین نیون شهرینده کئچیریلیب. تمثیلچی‌لریمیزدن فنرباخچا، زینت ایله؛ قالاتاسارایین بنفیکا ایله جوتلشیب. هر ایکی تیمیمیز ده ایلک اویونلاری ائولرینده اوینایا‌جاق. سون 32 توروندا ایلک اویون‌لار 12-14 فوریه، دونوش‌لر ایسه 20-21 فوریه تاریخ‌لرینده اوینانیلا‌جاق.



ایلگیلی‌لی خبرلر