تورکیه مطبوعاتی اؤزتی 13.12.2018

دونیانین آغزی مالاتیا قایسی‌سی ایله تاتلاندی

تورکیه مطبوعاتی اؤزتی 13.12.2018

تورکیه مطبوعاتی اؤزتی 13.12.2018

وطن: "اردوغان: حرکات بیر نئچه گونه باشلایا‌جاق"

دولت باشقانی رجب طیب اردوغان، دونن بئش تپه میللت کونگره و مدنیت مرکزینده تورک مدافعه صنایعسی ایجلاسیندا چیخیشیندا، سوریه‌ده فرات چایی‌نین شرقین‌دکی ترور هدف‌لرینه بیر نئچه گون ایچریسینده حرکات باشلانیلاجاغینی دئییب. اردوغان، "فراتین شرقینه حرکات بیر نئچه گونه باشلایا‌جاق. ترورچولاری اورا‌دان بیز چیخاراجاغیق، ایش باشا دوشوب" دئدی.

خبر تورک: "بوتون دونیادا تورکجه اؤیرنمه‌یه رغبت آرتیر

"تورک دیل قورومونون (تدک) باشقانی پروفسور دوکتور گورئر گولسئوین، تورک دیلی‌نین آرتیق سریال‌لارلا دا دونیانین هر طرفینه ائدیلدیغینی و دونیادا تورکجه اؤیرنمه‌یه رغبتین آرتدیغینی بیلدیریب. گولسئوین، تورک سریال‌لارینا اورتا آسیادا، اورتا شرقده، بالکان‌لاردا بیر چوخ یئرده چوخ علاقه‌دار اولدوغونو دئییب. گولسئوین، دونیادا آمریکان سینما‌دان سونرا تورک سریال‌لاری‌نین ایکینجی سیرادا یئر آلدیغینی بیلدیریب.

حرّیت: "توریست‌لرین گئجه‌لمه اوستون‌لوگو او ایکی ایالت اولدو"

مدنیت و توریزم ناظیرلیگی مستندلی قوناقلاما تاسیسلرینده یئرلی و خاریجی توریست‌لرین ایلین 10 آیی عرضینده کئچیردیگی 133 میلیون‌دان چوخ گئجه‌لمنین یوزده 66.26سی آنتالیا و ایستانبولدا باش توتدو. مدنیت و توریزم ناظیرلیگی ایله آغدنیزی توریست مهمانخاناچی-لار و ایشلتمه‌چی‌لر بیرلیگی (AKTOB) راپورین‌دان کئچیریلن ییغمایا گؤره، خاریجی قوناق‌لار 89 میلیون 108 مین 184، یئرلی قوناق‌لار ایسه 43 میلیون 954 مین 237 گئجه‌لمه ائدیب.

صاباح: "دونیانین آغزی مالاتیا اریکی ایله تاتلاندی"

دونیا قورو اریک احتیاجی‌نین یوزده 85ی‌نین قارشیلاندیغی مالاتیا بو ایلین راپور دؤورونده 110 اؤلکه‌یه 42 مین 377 تون 143 کیلوقرام محصول ساتیلیب. اریکده مبلغ اساسیندا ان چوخ ایخراجات آمریکا، فرانسا، آلمانیا، برزیل و بیرلشمیش کراللیغا آپاریلارکن، مالدیو آدا‌لارینا 10 و تانزانیایا 100 کیلوقرام محصول گؤندریلمه‌سی دقتی چکدی.

ایستار: "اردوغان و مادورونون سیاسی دوست‌لوغو ایخراجاتدا رکورد گتیردی"

تورکیه جمهور باشقانی رجب طیب اردوغان ایله ونزوئلا پرزیدنتی نیکولاس مادورو آراسین‌داکی یاخینلاشما، ایخراجات گؤستریجی‌لرینه مثبت عکس اولوندو. تورکیه‌دن ونزوئلایا آپاریلان ایخراج، 2018-جی ایلده یوزده 207‌لیک آرتیملا 36.7 میلیون دو‌لاردان 112.8 میلیون دو‌لارا چیخدی. ونزوئلانین ایدخال اوستون‌لوگو ده تورکیه اولدو.



ایلگیلی‌لی خبرلر