تورکیه مطبوعاتی اؤزتی 06.12.2018

آوروپادا ان اؤنده گئدن 5-جی نسیل ساواش اوچاغی پروژه‌سی اولان میللی ساواش اوچاغی TF-X، کولک تونلینده تست‌دن کئچیریلیر

تورکیه مطبوعاتی اؤزتی 06.12.2018

تورکیه مطبوعاتی اؤزتی 06.12.2018

خبر تورک: "میللی ساواش اوچاغی کولک تستینده"

آوروپادا ان اؤنده گئدن 5-جی نسیل ساواش اوچاغی پروژه‌سی اولان میللی ساواش اوچاغی TF-X، کولک تونلینده تست‌دن کئچیریلیر. اوچاق چوخ سرعت‌لی شکیلده تاماملاماق ایسته‌ین تورکیه، کونفیقوراسیون سون شکلینی وئریر. آغیرلیقلا کومپوزیت (موختلیف ژانرلاری بیر آرادا داشییان) اولا‌جاق اوچاق اوچون سری اوره تیمین2033ده باشلاماسی و او واختا قدر 400 سیفاریش آلینماسی مقصدی گودور.

یئنی شفق: "تورکیه سیویل هاواجیلیقدا تاریخ یازدی"

176 اؤلکه‌دن تخمینن 2 مین هاوا لیمانی‌نین عضو اولدوغو آوروپا هاوا لیمان‌لاری شوراسی‌نین 2008-2018 (ACI) دؤورونو احاطه ائدن راپوردا آچیقلانیب. راپورا گؤره، اؤلکه بتزیندا تورکیه سون 10 ایلده بیرباشا باغلانتی نقطه‌لری ساییسینی 191% آرتیریب. تورکیه، بیلواسیته علاقه نقطه‌لرینی یوزده 130، هاوا لیمانی علاقه‌لرینی یوزده 157 و network باغلانابیلیرلیغینی یوزده 534 آرتیرا‌راق آوروپادا اوچوش شبکه‌سینی ان چوخ بؤیودن اؤلکه اولدو.

ایستار: "تورکیه‌نین ان بؤیوک میظامی گمی‌سی ت.ج.گ آنادولونون تسلیماتی 1 ایل اوّله اولونوب"

بو گونه قدر تورک دونانماسی اوچون اوره‌تیم داوام ائدن ان بؤیوک گمی اولان "چوخ مقصدلی ت.ج.گ آنادولو آمفیبی سالدیری گمی‌سی‌نین دوزلتمه ایشلری سرعتلندی. پروژه، تورکیه‌نین تک قلمده آپاریلان ان بؤیوک ساوونما پروژه‌سی و قلوبال گوج اولماق ادعاسی‌نین ان بؤیوک نومونه‌سی. تسلیمی 1 ایل اوّله آلینان ت.ج.گ آنادولو گمی‌سی، 2020نین سون چئیرگینده دنیز گوج‌لرینه تسلیم ائدیله‌جک.

صاباح: "2018ده ایزمیری ان چوخ آلمان توریست‌لر زیارت ائدیب"

اوکتوبر آییندا تورکیه‌یه گلن یابانجی توریست سایی‌سی بیر اوّلکی ایله نیسبتله یوزده 25.5لیک آرتیم گؤستره‌رک 3.8 میلیون آدام اولارکن، اؤلکه'نی زیارت ائدن آلمان‌لارین بؤیوک اکثریتی‌نین ایسه ایلک ترجیحی ایزمیر اولدو. ایزمیر، اوکتوبر آیینا قدر روسیا، فرانسا، اینگیلیستان، آلمانیا کیمی اؤلکه‌لردن 966 مین‌دن آرتیق اجنبی توریستی قارشیلاییب. تورکیه‌یه سفر ائدن خاریجی توریست‌لرین اؤلکه سیرالاماسیندا 604 مین 73 نفر ایله روسیا بیرینجی سیرادا یئر آلارکن، ایکینجی سیرادا 589 مین 626 نفر آلمانیا، 264 مین 17 نفر ایله اینگیلیستان اوچونجو سیرادا یئر آلیر.

وطن: "اینگیلیس تیمینه تورک‌لر طالب"

اینگیلیستان سوپر لیگ‌ین کؤک‌لو کلوبلاریندان‌ نیوکلاسل یونیتدین بیر تورک کونسورسیومونا ساتیلما احتیمالی اولدوغو اورتایا چیخدی. کلوبو ساتین آلماق اوچون اوچ نفرین ماراغی وار. بون‌لاردان بیر دنه‌سی‌نین تورک‌لر اولدوغو بیلدیریلدی. آدی وئریلمه‌ین بیر تورک کونسورسیومونون مؤوسوم اوّلین‌دن بو یانا آغ-قارا‌لی کلوبو ساتین آلماق تلاشی ایچینده دانیشیق‌لار آپاردیغی ایفاده ائدیلیب. بونون خاریجینده بیر مولتی میلیاردرین ده داخما طالب اولدوغو بیلدیریلرکن، اوچونجو، ایستییه‌نین ایسه آمریکان آتلانتا یونیتد کلوبونون صاحبی آرتور بلانک اولدوغو وورغولانیب.



ایلگیلی‌لی خبرلر