تورکیه مطبوعاتی اؤزتی 15.11.2018

"24 مین تورک لیره‌سی آیلیقلا اؤلکه'نه قاییت"

تورکیه مطبوعاتی اؤزتی 15.11.2018

تورکیه مطبوعاتی اؤزتی 15.11.2018

صاباح: "اردوغان و پوتین ایستانبولدا بیر آرایا گلیر"

19  نوامبر بازار ائرته‌سی گونو تورک آخیم گاز کمری‌نین دنیز بؤلومو‌نون تاماملانماسی موناسیبتیله مراسیم کئچیریله‌جک. تورکیه جمهور باشقانی رجب طیب اردوغان، مراسیم اوچون ایستانبولا گله‌جک اولان روسیا پرزیدنتی ولادیمیر پوتین ایله ایکیطرف‌لی گؤروشمه کئچیره‌جک. اردوغان و پوتین مراسیمده ایستانبول‌دان ویدئو کونفرانس یولویلا قاتیلاجاق. باشا چاتاندا مین 100 کیلومتر اوزونلوغوندا اولا‌جاق تورک آخینی بورو کمری‌نین 937 کیلومترلیک بؤلومو دنیزدن کئچه‌جک. کمر روس گازینی آوروپایا داشییا‌جاق.

یئنی شفق: "تورکیه، قاشیقچی جینایتین ثبوت‌لارینی فرانسایا وئردی"

عدالت و قالخینما پارتیسی (آک پارتی) سؤزچوسو عمر چئلیک، فرانسیز خاریجی ایشلر ناظیری ژان-یوس لی دریانین قاشیقچی جینایتی اوزرین‌دن تورکیه'نی هدف آلان سؤزلرینه دایر قئیدلرین فران‌سیز کشفیاتی پایلاشدیغینی وورغولاییب. چئلیک، "قاشیقچی جینایتی‌نین قئیدلرینی وئردیک. فرانسا خاریجی ایشلر ناظیری‌نین سؤزلرینی پیسلییریک. مسئولیت‌سیز بیر آچیقلاما‌دیر. بو قدر نادان‌لیق تعجب‌لو. فرانسا خاریجی ایشلر ناظیری بو مسئله'نی تعقیب ائتمیرسه، بو اونلارین پروبلئمی‌دیر. اؤز خصوصی خیدمت‌لرین‌دن خبرلری یوخ‌دور" آچیقلاماسینی ائتدی.

ایستار: "غرب قارا دنیزده زنگین رزروه مالیک طبیعی گاز یاتاق‌لاری آشکار ائدیلیب"

تورکیه، آغدنیزی‌ه یاناشی قارا دنیزده ده گاز قازما فعالیتینی سورعتلندیریر. قارا دنیزده بارباروس سئیسمیک تدقیقات گمی‌سی‌نین گؤردوگو ایشلرده غرب قارا دنیزده زنگین رزروه مالیک طبیعی گاز یاتاق‌لاری آشکار ائدیلیب. قازما، بولغاریستان ایله رومانیا دنیز سرحدلری‌نین تورک دنیز سرحدلری ایله کسیشدیگی نقطه‌ده تونا بلوکوندا آپاریلا‌جاق.

حرّیت: "24 مین تورک لیره‌سی آیلیقلا اؤلکه'نه قاییت"

ترسینه بئیین گؤچونو سرعتلن‌دیرمک مقصدیله باشلانیلان "بین الخالق لیدر تدقیقاتچی‌لار پروقرامی دستک‌لری آچیقلانیب. بونا گؤره آراشدیرماسی اوچون 1 میلیون تورک لیره'سی باشلانغیج وسایلی وئریله‌جک تدقیقاتچی‌لار، آیدا 24 مین تورک لیره'سی معاش آلا‌جاق. دستکلر حیات یولداشی و اوشاق‌لاری دا قاپسایاجاق. عائله یاشاییش خرجی معاش اولا‌راق 2 مین 250 تورک لیره سی ائده‌جک تدقیقاتچی‌لارین حیات یولداشی و اوشاق‌لاری اوچون بیمه و یول دستک‌لری ده تامین اولونا‌جاق.

وطن: "تورکیه‌نین ایلک سوروچوسوز مترو خطی آوروپا بیرینجی‌سی سئچیلیب"

تورکیه‌نین ایلک سوروچوسوز مترو اولما خصوصیتینی داشییان ایستانبول‌داکی اوسکودار-عمرانیه-چکمئکؤی مترو خطی، بین الخالق یولجو داشیییجی‌لار بیرلیگی (اویتپ) طرفین‌دن آوروپادا بیرینجی سئچیلدی. تک سفرده مین 620 نفر داشیما توتومونا صاحب اولان اوسکودار-عمرانیه-چکمئکؤی مترو خطی، بو معنادا دونیادا اوچونجو سیرادا یئر آلدی.



ایلگیلی‌لی خبرلر