تورکیه مطبوعاتی اؤزتی 07.11.2018

"دونیانین ان بؤیوک یانا‌جاق دولدورما سیستمی ایستانبول هاوا لیمانیندا"

تورکیه مطبوعاتی اؤزتی 07.11.2018

تورکیه مطبوعاتی اؤزتی 07.11.2018

یئنی شفق: اردوغان: "ایرانا تحریم‌لری دوزگون سایمیرام"

جمهور باشقانی رجب طیب اردوغان، پارتیسی‌نین تورکیه بؤیوک میللت مجلیسی قروپ توپلانتی‌سی‌نین چیخیشیندا بیان ائدیب. ایرانا قارشی تحریم قرارینی دوغرو گؤرمه'دیغینی وورغولایان اردوغان، "دونیانین تعادولونو پوزماغا یؤنه‌لیک بیر آددیم. بئله بیر تحریمه قطعیتله تابع اولموروق. بون‌لار، بین الخالق حقوقا دا دیپلوماسییا دا ضد. امپریال بیر دونیادا یاشاماق ایستمیریک" دئدی.

حریت: چاووش اوغلو؛ "تحریم‌لرله بیر نتیجه‌ اله چاتماز"

خاریجی ایشلر ناظیری مولود چاووش اوغلو ژاپونیا سفری چرچیوه‌سینده پایتخت توکیوداکی میللی مطبوعات کلوبوندا مطبوعات نماینده‌لری ایله بیر آرایا گله‌رک سوال‌لارینی جوابلاندیریب. آمریکا‌نین ایرانا تطبیق ائتمه‌یه باشلادیغی تحریم‌لره توخونان چاووش اوغلو، ایرانی بو جور جزالاندیرمانین اؤلکه خالقینا حاق‌سیزلیق اولدوغونو وورغولاییب. تورکیه‌نین پرینسیپ اولا‌راق تحریم‌لره قارشی اولدوغونو وورغولایان چاووش اوغلو، "تحریم‌لر یولویلا بیر نتیجه وئرجگینه ده اینانمیریق. تحریم‌لر اوزینه دیالوق و آنلاشما یولونا گئتمک داها فایدا‌لی اولا‌جاق‌دیر" دئدی.

خبر تورک: "میللی ساوونما ناظیری آکار، سودان'دا"

میللی ساوونما ناظیری حولوصی آکار، رسمی سفر چرچیوه‌سینده سودانین پایتختی خارطوما گئتدی، سودان جمهور باشقانی عمر البشیر و نیظامی مقاملارلا گؤروشوب. گؤروشمه‌لرده، تورکیه‌نین سودان'دا قورماغی پلانلاشدیردیغی نیظامی تحصیل مرکزلری ده موذاکیره اولونوب.

ایستار: "تورکیه، آوروپا هاوا نقلیاتینا ان چوخ تؤهفه وئرن اؤلکه"

تورکیه، 1 آوریل ایله 30 سپتامبر آراسیندا، اؤتن ایلین عینی دؤورو ایله موقاییسه‌ده 8.4 فایز آرتماقلا آوروپا هاوا نقلیاتینا ان چوخ قاتقی وئرن اؤلکه اولا‌راق قئیدلره کئچدی. سیویل هاواجیلیق باش ایداره‌نین اینترنت سایتیندا یئر آلان معلوماتا گؤره، تورکیه، هاوا نقلیاتین‌داکی آرتیم و گئجیکمه‌لرین آزالدیلماسینا یؤنه‌لیک یاخشیلاشما‌لار مسئله‌سینده، آوروپا هاوا نقلیات شبکه رهبرلیگی سیاهی‌لاریندا ایلک سیرایا یئرلشدی.

صاباح: "دونیانین ان بؤیوک یانا‌جاق دولدورما سیستمی ایستانبول هاوا لیمانیندا"

ایستانبول هاوا لیمانی‌نین، 29 اوکتوبردا کئچیریلن آچیلیش عرفه‌سینده بین الخالق هاوا نقلیاتی بیرلیغی (IATA) طرفین‌دن ائدیلن ایداره‌لرده یانا‌جاق سیستم‌لرینه راضی‌لیق وئریلیب. ایستانبول هاوا لیمانی، 300 مین متر مکعب ساخلاما توتومونا مالیک تانک ساحه'سی، تخمینن 105 کیلومتر بورو خطی، 512 اوچاق دولدورما منطقه‌سی، 73 قورتارما واسطه‌سی ایله دونیانین ان بؤیوک آنبارلاما و هیدرانت سیستمینه صاحب اولدو.



ایلگیلی‌لی خبرلر