تورکیه مطبوعاتی اؤزتی 04.09.2018

تکنوفست ایستانبول، "میللی تکنولوژی حمله‌سی" هدف‌لری ایستیقامتینده 20-23 سپتامبردا دونیانین ان بؤیوک هاوا آلانی اولان ایستانبول یئنی هاوا لیمانیندا حیاتا کئچیریله‌جک

تورکیه مطبوعاتی اؤزتی 04.09.2018

تورکیه مطبوعاتی اؤزتی 04.09.2018

یئنی شفق: "تکنوفست ایستانبول اوچون گئری ساییم باشلادی"

تکنوفست ایستانبول Teknofest İstanbul، "میللی تکنولوژی حمله‌سی" هدف‌لری ایستیقامتینده 20-23 سپتامبردا دونیانین ان بؤیوک هاوا آلانی اولان ایستانبول یئنی هاوا لیمانیندا حیاتا کئچیریله‌جک. تورکیه‌نین ایلک هاواجیلیق، کوسموس و تکنیک فستیوا‌لی اولان تکنوفست ایستانبول، تورکیه تاریخی‌نین ان بؤیوک موکافاتی یاریشماسی تکنولوژی یاریش‌لاری‌نین یاناشی هاواجیلیق گؤستری‌لری، سمینارلار، اولوسلار آراسی تشببوس ایجلاسی و فعالیت‌لری زیارتچی‌لرینه تقدیم ائده‌جک.

خبر تورک: "تورکش کارگو، اوچدوغو نقطه ساییسینی 85ه چیخاردی"

هاوا یوک داشینماسیندا دونیانین ان سرعت‌لی بؤیوین هاوا یوک شیرکتی اولان تورکش کارگو، اوچوش نقطه‌سینه رواندانین پایتختی کیقا‌لی و عمانین پایتختی مسقط ی ده علاوه ائتدی. یئنی اوچوش نقطه‌لری ایله بیرلیکده تورکیش کارگو، اوچدوغو نقطه ساییسینی 85ه چیخاردی.

ایستار: "تورکیه و روسیا اکینچیلیک آنلاشمالاری ایمضالایا‌جاق"

تورکیه و روسیا سپتامبرین 5-ینده ایستانبول CNR Expo-دا کئچیریله‌جک فوروم ایله اکینچیلیک آنلاشمالاری ائتمه‌یه حاضیرلاشیر. "فوود ایستانبول" سرگی‌ندن سونرا، خاریجی ایقتیصادی علاقه‌لر شوراسی (دئیک) طرفین‌دن تشکیل ائدیلن روسیا-تورکیه ایش شوراسی چرچیوه‌سینده ایکی اؤلکه آراسیندا تکستیل، دمیر- چلیک، قیدا، موبیل، اکینچیلیک و ماشین سکتورلاریندان‌ نماینده‌لرین قاتیلاجاغی، ایش و یاتیریم ایمکان‌لاری‌نین دانیشیلاجاغی بیر ایجلاس کئچیریله‌جک. تدبیر چرچیوه‌سینده ایکی اؤلکه آراسیندا اکینچیلیک ساحه‌سینده بیر نئچه سازیش ده ایمضا‌لانا‌جاق.

صاباح: "توریستلر پاموککاله یه آخین ائدیر"

دنیزلی‌نین آغ جنّتی پاموککاله میلاددان سونرا 60-جی ایلده زلز‌له ایله یارانان و میصر کرالیچاسی کلئوپاترانین دا حمام ائتدیگی روایت ائدیلن کلئوپاترا حوضو، بؤلگه یه سفر ائدن توریستلرین گؤزده اولدو. آنتیک حوض ایچین‌دکی تاریخی قالیق‌لار آراسیندا اوزن توریست‌لر، ایستی و شفا‌لی اولدوغو ایره‌لی سورولن سویون کفینی چیخاریر. کلئوپاترانین گؤزل‌لیک حوضو کیمی ده تانینان آنتیک حوضا یئرلی و خاریجی توریست‌لرله موختلیف خسته‌لیک‌لره شفا آختاران‌لار دا سیخ ماراق گؤستریر. روایت‌لرده حضرتی مریم ین، افس گئدرکن خسته‌لنن گؤزلرینی پاموککاله سویلا یودوغو و یاخشیلاشدیغی بیلدیریلیر.

حرّیت: "حرکت فیلم‌لری‌نین مشهور آدی واندام‌دان تورکیه‌یه تعریف"

بیر موکافات مراسیمینده مونصیف عضو‌لوگو ائتمک اوچون آنتالیایا گلن ژان کلاود واندام، تورکیه حاقین‌داکی فیکیرلرینی پایلاشدی. "تورک اینسان‌لارینی چوخ صمیمی و ایچدن گؤرورم" دئین وان داما، تورک یئمک‌لری حاقیندا ایسه "فانتاستیک! بورادا منه او قدر گؤزل تورک یئمک‌لری بیلدیردی‌لر کی، هانسین‌دان دانیشسام آز اولور. خصوصاً، تاس کاباب معجزه‌دی" ایفاده‌سینی ایستیفاده ائتدی. وان داما گله‌جکده تورکیه‌ده تکستیل ایشینه ده داخیل اولماغی دوشوندوگونو بیلدیریب.



ایلگیلی‌لی خبرلر