تورکیه مطبوعاتی اؤزتی 28.08.2018

فرانسانین کئچمیش پرزیدنتی نیکولا سارکوزی و خانیمی کارلا برونی استراحت اوچون بودروم گلدی

تورکیه مطبوعاتی اؤزتی 28.08.2018

تورکیه مطبوعاتی اؤزتی 28.08.2018

یئنی شفق: "دو‌لار اعتبارلی‌لیغینی ایتیریر"

تورکیه خزینه و مالیه ناظیری برات آلبایراک، رسمی تماس‌لاردا اولماق اوچون فرانسایا گئتدی. آلبایراک، فرانسا مالیه ناظیری برونو لی مایره ایله گؤروشوب. توپلانتی سونراسی مطبوعات آچیقلاماسی ائدن بودجه و مالیه ناظیری آلبایراک، آمریکانین تیجاری تحریم قرارینی اله آلدیق‌لارینی آچیقلاییب. آلبایراک، تورکیه و فرانسانین بیرگه حرکت ائدجگینی ایفاده ائده‌رک، دو‌لارین قلوبال تیجارتده اعتبارلی بیر آلت اولما خصوصیتینی ایتیردیگینی بیلدیریب.

صباح: "تورک ساوونما صنایع چین مئدیاسیندا"

فنگ هوانگ تلویزیون کانالیندا یاییم‌لانان بیر خبرده تورکیه ساوونما صنایعسی‌نین مالیه اولا‌راق ایقتیصادا وئردیگی قاتقی‌دان بحث ائدیلیب. خبرده، "اؤلکه‌نین ساوونما صنایعسی‌نین ایخراجاتی، اولوسلار آراسی بازاردا اولدوقجا پوپولار، بلکه ده تورکیه‌نین ایقتیصادی بؤیومه‌سی اوچون ایچری‌دن تکان وئریجی عامل" دئییلدی. خبرده "آمریکا، تورکیه نی ایقتیصادی جهت‌دن منگنه‌یه آلماغا چالیشسا دا تورکیه‌نین خصوصیله ساوونما صنایعسینده وئردیگی ایقتیصادی پرفورمانس گؤز دولدورور. ساتیش‌لاردا سدعتین آرتیمی و اوغورلو محصول‌لارین هر کئچن گون بازاردا چکیجیلیغی بونو گؤستریر" ایفاده‌لرینه یئر وئریلیب.

ایستار: "آمریکا‌لی ایقتیصادچی پرکینس: فینانسال موزددور قاتیل‌لرین هدفی تورکیه"

بیر ایقتیصادی موزدور قاتیلی‌نین اعتراف‌لاری "کیتابی‌نین مؤلفی ایقتیصادچی جان پرکینس، تورکیه کیمی اینکیشاف ائدن ایقتیصاد‌لاری هدف آلان فینانسال موزدلو قاتیل‌لرین اولدوغو باره‌ده هئچ بیر شوبهم یوخ" دئدی. پرکینس، سون دؤورده آمریکانین تورکیه اوزرینده ایقتیصادی باسقی یاراتماغا چالیشماسینا دایر اولا‌راق ایسه، "تورکیه‌یه اولوسلار آراسی پول صاندیغی اوزاق دایانماسینی تکلیف ائدیرم" دئدی.

خبر تورک: "فرانسانین کئچمیش پرزیدنتی نیکولا سارکوزی و خانیمی کارلا برونی استراحت اوچون بودروم گلدی"

تورکیه‌ده استراحت ائدن نیکولا سارکوزی و خانیمی کارلا برونی، فرانسایا گئتمک اوچون بودروم‌دان ایستانبولا ایقتیصاد صینفینده اوچدو. سارکوزی، تورک هاوا یول‌لاری اوجاغینا میننده هر کسی سلاملادی، گزیدن اولدوقجا ممنون قالدیغی گؤرونن سارکوزی، قهقهه‌لر آلتیندا بعضی یولجو‌لارلا صحبت ائتدی. یولجولاردان بؤیوک ماراق گؤرن سارکوزی، ایسته‌ین‌لرله خاطیره شک‌لی چکدیردی. اوچوش بویو کیتاب اوخویان برونی ایسه سوسیال مئدیا حسابین‌دان، "گؤزل تورکیه، یوخو کیمیدی" پایلاشیمی ائتدی.

وطن، "دونیانین ان ساغلام شهرلری ایچینه تورکیه‌دن 4شهیر گیردی"

اؤلکه‌لر و شهرلر حاقیندا معلومات ایچه رن اینترنت سایتی نومبئو، شهرلرین ساغلام‌لیق اندکس‌لرینی آچیقلاییب. تورکیه‌دن سیاهییا ایستانبول، آنکارا، بورسا، ایزمیر گیردی. دونیانین ان ساغلام شهرلری سیرالانارکن شهرلردکی یاشیل آلان‌لار، اسپور تاسیسلری‌نین کئیفیتی، هاوا و سو تمیزلیگی، اورتا حسابلا عؤمور گؤزلنتی‌سی، کؤکلوک نیسبتی و ایش - اؤزل حیات تارازلیغی کیمی 10 موختلیف معیار تحلیل اولونور.



ایلگیلی‌لی خبرلر