تورکیه مطبوعاتی اؤزتی 09.08.2018

تورکیه و آمریکا، کشیش اندریو برانسون ایله باشلایان و قارشی‌لیق‌لی اولا‌راق عدالت و ایچ ایشلر ناظیرلرینه تحریم‌لرله دیرماشان بحرانی حل ائتمک اوچون ماسایا اوتوردو

تورکیه مطبوعاتی اؤزتی 09.08.2018

تورکیه مطبوعاتی اؤزتی 09.08.2018

یئنی شفق: "حساس گؤروشمه"

تورکیه و آمریکا، کشیش اندریو برانسون ایله باشلایان و قارشی‌لیق‌لی اولا‌راق عدالت و ایچ ایشلر ناظیرلرینه تحریم‌لرله دیرماشان بحرانی حل ائتمک اوچون ماسایا اوتوردو. واشینگتون‌داکی ایلک گؤروشمه ده خاریجی ایشلر ناظیری‌نین معاوینی سدات اؤنال ین رهبرلیک ائتدیگی 9 نفرلیک نماینده هیاتی ایشتیراک ائدیب.

حریت: "پولاد ایخراجی آرتیب"

بو ایلین 7 آییندا 2017نین عینی دؤورونه نیسبتن پولاد سکتوروندا ایخراج یوزده 26.7 آرتا‌راق 8،4 میلیارد دو‌لارا چاتیب. بو دؤورده پولاد سکتورونون میقدار اساسیندا ان چوخ ایخراجات حیاتا کئچیردیگی اؤلکه قروپو آوروپا بیرلیگی اولدو. آوروپا بیرلیگی اؤلکه‌لرینه ایخراج، ایلین 7 آییندا 2017نین عینی دؤورونه نیسبتن یوزده 62.9 آرتا‌راق 3 میلیارد 604 میلیون 730 مین دو‌لارا چاتیب.

صاباح: "انرژی و طبیعی قایناقلار ناظیری فاتیح دؤنمزدن اهمیت‌لی آچیقلاما‌لار"

انرژی و طبیعی قایناقلار ناظیری فاتیح دؤنمز، نوکلئر سانتیرالدا، آککویو و سینوپ دان سونرا اوچونجو پروژه‌نین تراکیادا اولاجاغینی قئید ائدیب. دؤنمز، "ثراکیا‌داکی سانتیرال چین ایله ائدجگیک" دئدی.

وطن: "دونیادا ایلک اولا‌جاق"

نقلیات و آلت یاپی ناظیری محمت جاهیت تورهان، تورکیه‌نین غورور پروژه‌لری اوچون ایشلری سورعتلندیردیگینی بیلدیردی. تورخان، ایجتیماعتده "مگا پروژه کیمی تانینان 3 مرتبه‌لی بؤیوک ایستانبول تونئلی پروژه‌سی‌نین دونیادا بیر ایلک اولدوغونو خاطیرلادا‌راق، ایشلری داوام ائدن لاییحه‌نین، یاپ-ایشلت-دئور ائت مودئلی مناقصه اعلانینا چیخاریلاجاغینی دئییب.

ایستار: "چیویسیز مسجید ایللره میدان اوخور"

کاستامونو قصبه کندینده جاندار اوغلو معلم‌لرین‌دن عادیل بیین اوغلو امیر محمود بی طرفین‌دن میخ ایستیفاده ائدیلمه‌دن 1366دا ائتدیریلن تاختا محمود بی مسجیدی، یئرلی و خاریجی توریست‌لرین دقتینی چکیر. یونسکونون دونیا ارثی موقتی سیاهی‌سیندا اولان مسجیدین تام سیاهییه آلینماسی اوچون ایشلر داوام ائدیر.



ایلگیلی‌لی خبرلر