تورکیه مطبوعاتی اؤزتی 27.03.2018

ایستار: "پاتریوت تکلیفی واشینگتون رهبرلیین‌دن گلدی"

تورکیه مطبوعاتی اؤزتی 27.03.2018

 

خبرتورک: "اردوغان‌دان آوروپا بیرلیینه مئساژ: گوج‌لو دستک گؤزلییریک"

بولقاریستانین وارنا شهرین‌ده‌کی تورکیه-آوروپا بیرلیگی ذیروه‌سین‌ده تام عضولوک پروسه‌سینین داوامی و بیرلیکده‌لیک وورغوسو ائدیلدی. جمهورباشقانی رجب طیب اردوغان توپلانتی‌دان سونرا وئردیی آچیقلامادا، "ترورا قارشی عملیاتلاریمیز آوروپانین دا تهلوکسیزلیینه قاتقی وئریر. بیز آرتیق ترورلا مباریزه کیمی حساس مسئله‌لرده حاق‌سیز ایرادلار دئییل گوج‌لو دستک گؤزلییریک. گلین گوج‌لو، مرفه و ثابت‌لیک عابده‌سی آوروپانی بیرلیک‌ده اینشا ائدک" دئیه دانیشدی.

خبر تورک: "زیتون بوداغی عملیاتی تل رفعت و منبج ایله داوام ائد‌جک"

تورک سلاح‌لی قوه‌لری و آزاد سوریه اوردوسونون، فرات قالخانی ایله باشلاییب زیتون بوداغی ایله داوام ائتدیردیی سرحدلری ترور هؤرگوتلریندن تمیزله‌مه عملیاتینا سوریه‌ده تل رفعت و منبج عملیاتلاری ایله داوام ائدجیی، حلبه قدر ۳۰ کیلومتر درینلیین‌ده تهلوکه‌سیز بیر بؤلگه تشکیل ائدیلجیی اؤیرنیلدی. تل رفعت، منغ هاوا لیمانی کیمی اؤنملی بیر لجستیک مرکزه ده ائو صاحب‌لیگی ائدیر.

یئنی شفق: "منبج تورک عسگرینی گوللرله قارشیلایاجاق"

سوریه‌ده بؤلوجو ترور هؤرگوتو پ‌کاکا پ.ی.د-ی.پ.گ ایشغالی آلتین‌داکی بیر چوخ شهردن تورکیه‌یه "بیزی تروریستلردن قورتارین" چاغیریشلاری گلیر. سون مئساژ منبجین اؤنملی عشیرت رئیسلرین‌دن عبدالکریم الفحلدن گلدی. فحل، خالقین تورک سلاح‌لی قوه‌لری و آزاد سوریه اوردوسونو دؤرد گؤزله گؤزلییر و گوللرله قارشیلایاجاغینی سؤیله‌دی.

ایستار: "پاتریوت تکلیفی واشینگتون رهبرلیین‌دن گلدی"

حکومت سؤزچوسو بکیر بوزداغ، پرزیدنت رجب طیب اردوغان ایله آمریکا باشقانی دونالد ترامپ آراسین‌داکی گؤروشمه‌ده گون‌د‌مه گلن آمریکانین تورکیه‌یه هاوا ساوونما سیستمی پاتریوت موشکلرینی وئرمه‌سی مسئله‌سینی دگرلندیردی. بوزداغ، پاتریوت ساتیشی تکلیفینین تروامپدان گلدیینی سؤیله‌دی. بوزداغ، "سایین ترامپ، پرزیدنتیمیزه، بیز سیزه پاتریوت وئره‌بیلریک. دئیینجه، سایین پرزیدنتیمیز ده، بیز ده هاوا ساوونما سیستمیمیزی چئشیدلندیره‌بیلریک، تورکیه اولاراق آمریکادان پاتریوت سیستئمینی آلابیلریک" دئیه بیر گؤروشمه اولدو" دئدی.

هورریت: "عنقانین قالخیش-ائنیش سیستمی ده میلی اولدو"

تورک هاواچیلیق و اوزای صنایعی تائی‌نین اورتدیی یئرلی و میلی اینسان‌سیز هاوا آراجی عنقانین قالخیش و ائنیش سیستملری ده میلیلشدیریلدی. ایلک دفعه میلی اولاراق اینکیشاف ائتدیریله‌ن اتوماتیک قالخیش و ائنیش سیستمینین قبول تستلرینین تاماملاندیغی بیلدیریلدی. خاریجه آسیلیلیغین آرادان قالدیریلماسی مقصدیله باشلانیلان رادار اساس‌لی پروژه، اینسان‌سیز هاوا آراجی ایله ارتباطا گئچه‌رک قالخیش و ائنیشلرین گوونلی بیر شکیل‌ده حیاتا گئچیریلمه‌سینی تامین ائدیر.



ایلگیلی‌لی خبرلر