تورکیه مطبوعاتی اؤزتی 13.09.2017

خبرتورک: "بو گون اصل خسته اینسان آوروپا بیرلیگی"

تورکیه مطبوعاتی اؤزتی 13.09.2017

تورکیه مطبوعاتی اؤزتی 13.09.2017

 

خبرتورک: "بو گون اصل خسته اینسان آوروپا بیرلیگی"

آوروپا پارلامنتی (آپ) عمومی قورولوندا تورکیه و آوروپا بیرلیگی (آب) علاقه‌سی اله آلینا‌راق، عضولوک مذاکیره‌لری و ایکی طرف آراسیندا موناسیبت‌لرین گله‌جگی مذاکیره ائدیلدی. ایجلاسدا دانیشان اولوس‌لار و آزادلیق‌لار آوروپاسی قروپونون (ENF) فران‌سیز عضوو ادووارد فراند، آوروپا بیرلیگی مسئوللاری‌نین رفتارینی تنقید ائده‌رک، "بیر عصر اوّل تورکیه‌دن آوروپانین خسته آدامی اولا‌راق بحث ائدیردیک اما سانیرام بو گونون گئرچک خسته آدامی آوروپا بیرلیگی‌دیر." ایفاده‌لر ایستیفاده ائدیلدی. آوروپا بیرلیگی کومیسیونونون گئنیشلمه مذاکیره‌لرینده مسئول کومیساری یوهانس هان دا، "تورکیه، ایستراتژیک بیر بؤلگه‌ده آوروپا بیرلیگی‌نین کیلید بیر اورتاغی‌دیر." دئدی.

وطن: "تورکیه اساس موتتفیق‌دیر"

آلمانیا باش ناظیری آنگلا مرکل، سیلاح ایخراجاتینا دایر تورکیه‌نین عمومی قاداغاسینا قارشی چیخدی. مرکل بو ساتیش‌لارین بیر میقدار محدودلاشدیریلدیغینی لاکین داعشله موباریزه‌ده تورکیه‌نین کیلید موتتفیقی بیری اولدوغونو ایفاده ائتدی.

صاباح: "سند آمریکادان گلدی، فتو ییخیلدی"

آمریکانین 15 ژوئیه کودتا گیریشیمیشیله علاقه‌دار آنکارایا گؤندردیگی ایلک رسمی سند، کودتا ائدن‌لرین فتح الله‌چی ترور تشکیلاتی (فتو) ایله عضوی باغینی ثبوت ائتدی. آمریکا ایچ امنیت ناظیرلیگی، کودتا گیریشیمی‌نین سیویل ایمام‌لاری عادیل اؤکسوز، کمال باتماز، حاکان چیچک، نورالدین اوروج و هارون بینیش‌ین آمریکا سیاحت‌لری‌نین تؤکولمه‌سینی امنیت گنل مودیرلیگینه گؤندردی. بو سندلره گؤره ژانویه 2016دا آمریکایا گیررکن شوبهه اوزرینه سورغویا آلینان کیلید کودتاچیلاردان ایکی‌سی کمال باتماز، "پنسیلوانیادا فتح الله گوله‌نین یانیندا قالاجاغینی" سؤیله‌دی. بئله‌لیکله، فتو-جو کودتاچیلارین "فتو ایله هئچ بیر علاقه‌میز یوخ‌دور" ییخیلدی.

یئنی شافاک: "مجلیسده سوپئر ساوونما"

فتونون 15 ژوئیه‌ده هدف آلدیغی عنوان‌لاردان بیری اولان تورکیه بؤیوک میللت مجلیسی (TBMM) بیناسی، اینسان‌سیز هاوا واسیطه‌لریله ائدیله بیله‌جک سالدیریلارا قارشی 'درونساؤوار سیستمیله قورونا‌جاق. حاقیندا دانیشیلان سیستمله تورکیه بؤیوک میللت مجلیسی اوزرینده اوچان ایجازه‌سیز واسطه‌لر، گؤندریله‌جک پوزوجو سیگنال‌لارلا یا روتاسی دییش‌دیریله‌جک یا دا نظارت آلتینا آلینا‌راق تاثیرسیز حالا گتیریله‌جک. سیستم آسئلسان طرفین‌دن حاضیرلانمیش‌دیر.

ایستار: "بیر ائو آلماق ایسته‌ین عرب‌لر 3 هاوالیمانینی سوروشور"

تورکیه‌نی اوچورماق ایسته‌ین دلی پروژه‌لر ده خاریجی یاتیریملارین دقت مرکزینده‌دیر. خصوصیله تورکیه‌دن منزیل آلماق ایسته‌ین عرب یاتیریمچلار اوچونجو هاوالیمانی و کانال ایستانبول کیمی بؤیوک پروژه‌لری یاخین‌دان تعقیب ائدیر. املاک قونوتی GYO، دوبی‌ده ائدیلن Cityscape Global 2017-یه  50 پروژه ایله قاتیلدی. املاک قونوت GYO باش دیرکتورو موراد تشکیلات، سرگییه گلن خاریجی یاتیریمچیلارین خصوصیله اوچونجو هاوالیمانینی ماراق ائتدیگینی ایفاده ائده‌رک، "مولک آلارکن یالنیز بینایا باخمیرلار اطراف‌داکی آلت قورولوش سرمایه‌لرینی ده اهمیت وئریرلر" دئدی.



ایلگیلی‌لی خبرلر