نظربایئو: اوچونجو اؤلکه‌نین عسگری اورادا اولماز

نظربایئو، سؤزوگئدن گوج‌لرین بیر آرایا گلمه‌سینی و گؤروشمه‌نین آستانادا گئچیریلمه‌سینی تکلیف ائتدی

نظربایئو: اوچونجو اؤلکه‌نین عسگری اورادا اولماز

قازاقیستان پرزیدنتی نورسلطان نظربایئو، روسیا و اوکراینانی بیر بیریلری ایله بیرباشا ارتباطا گئچمه و بیر داها دانیشیقلار ماساسینا اوتورمایا چاغیردی.

نورسلطان نظربایئو، یئرلی مطبوعاتا وئردیگی ۲۰۱۸ ایلی دگرلندیرمه موصاحیبه‌سینده، آمریکا بیرلشمیش دؤولتلری، روسیا، چین و آوروپا بیرلیگی آراسین‌دا قارشی‌لیق‌لی آنلاییش و گوونین اولمادیغینی بیلدیره‌رک، سؤزوگئدن گوج‌لرین بیر آرایا گلمه‌سینی و گؤروشمه‌نین آستانادا گئچیریلمه‌سینی تکلیف ائتدیگینی سؤیله‌دی.

گؤروشمه یئرینین موطلق آستانا اولماسی لازیم اولمادیغینی دیله گتیره‌ن نظربایئو، باشقا بیر یئرده ده بئله بیر گؤروشمه‌نین ائدیله‌بیله‌جگینی بیلدیریدی.

پرزیدنت نظربایئو، هابئله کئرچ بوغازین‌داکی بحرانا دایر، اوکراینا ایله روسیانی، اؤلکه‌لر آراسی ایلیشکیلرده باشقالارین‌دان کؤمک گؤزله‌مه‌مه‌یه، بیر بیری ایله بیریاشا ارتباطا گئچهرک، بیر داها دانیشیقلار ماساسینا اوتورمایا دعوت ائتدی.

خزر دنیزین‌ده اوچونجو اؤلکه عسگرلرینین یئرلشه‌جگی ادعالارینا دایر نظربایئو، خزرین حقوقی ایستاتوسونون معینلشدیریلمه‌سی مسئله‌سین‌ده ۲۰ ایلدیر چالیشدیقلارینی وورغولایاراق، بو ایل آکتائودا گئچیریله‌ن خزر دنیزی اؤلکه‌لری ذیروه‌سین‌ده ایمضالادیقلاری آنلاشمانی خاطیرلاتدی.

نظربایئو، آنلاشما‌نی "تاریخی بیر حادثه" کیمی دگرلندیره‌رک،

"خزر یانی بئش اؤلکه (روسیا، قازاقیستان، آذربایجان، تورکمنیستان، ایران) خزرین امکداش‌لیق، دوستلوق و قارشی‌لیق‌لی آنلاییش دنیزی اولدوغوندا آنلاشدیق. خزر یانی اولمایان هئچ بیر اوچونجو اؤلکه‌نین عسگری اورادا اولماز" دئیه دانیشدی.

پرزیدنت نظربایئو، آیریجا آنلاشما چرچیوه‌سین‌ده خزرده گوونلیک مسئله‌سینه دایر اؤزل بیر پروتوکولون ایمضالاناجاغینی سؤزلرینه علاوه ائتدی.



ایلگیلی‌لی خبرلر