باکی‌یا ایلک اوچوش گرچکلشدیریلدی

باکی ت.ه.ی‌نین اورتا آسیاداکی ایلک اوچوش نقطه‌سی اولما اؤزللیگی داشیییر

باکی‌یا ایلک اوچوش گرچکلشدیریلدی

ایستانبول هاوا لیمانین‌دان آذربایجانین باشکندی باکی‌یا ایلک اوچوش گرچکلشدیریلدی.

جمهورباشقانی رجب طیب اردوغان ایله بعضی دؤولت و حکومت باشقانلارینین قاتیلیمییلا ۲۹ اکتبردا آچیلان ایستانبول هاوا لیمانین‌دا ایکینجی خاریجی سفری، ساعات ۰۹.۳۰دا باکی حیدر علی‌یئو اولوسلارآراسی هاوا لیمانینا بوئینگ - ۷۳۷ تیپی اوچاقلا ائدیلدی.

طلبین چوخ اولدوغو ایلک سفر، ۱۲۱یولچو ایله گرچکلشدی.

تورک هاوا یوللاری (ت.ه.ی)، آنکارا، ایزمیر، آنتالیا و قوزئی قیبریس تورک جمهوریتینین آردین‌دان ایستانبول هاوا لیمانی قالخیشلی بئشینجی اوچوش نقطه‌سی اولان باکی‌یا ۳۱ دسامبر تاریخینه قدر هفته‌نین هر گونو بیر، بوتؤولوک‌ده یئددی فرکانس اوچوش حیاتا گئچیره‌جک.

یئنی علاوه اولونان اوچوشلار ایله ت.ه.ی‌نین ایستانبول و باکی شهرلری آراسین‌دا اوچوش فرکانس ساییسی دا ۲۸ آتاتورک هاوا لیمانی، ۷ ایستانبول هاوا لیمانی، ۳ صبیحا گؤکچن هاوا لیمانین‌دان اولماق اوزره ۳۸ اولدو.

ت.ه.ی‌نین ۲۰۱۷ ایلین تامامین‌دا ۳۳۷ مین ۳۰۰ یولچو داشیدیغی باکی سفرلرین‌ده ۲۰۱۸.جی ایلین ایلک ۱۰ آیین‌دا ۳۳۷ مین یولچو داشیدی.

۲۰۱۸.جی ایلین ایلک ۱۰ آیین‌داکی دولولولق نیسبتی ۲۰۱۷.جی ایلین عینی دؤورو ایله مقایسه‌ده یوزده ۷ آرتاراق، ۷۷یه چاتدی.

باکی عینی زامان‌دا ت.ه.ی‌نین اورتا آسیاداکی ایلک اوچوش نقطه‌سی اولما اؤزللیگی داشیییر.

۱۹۹۱.جی ایلده باشلایان و ۲۷ ایلدیر فآرالیق‌سیز داوام ائد‌ن اوچوشلار، تورکیه ایله آذربایجان آراسین‌داکی میلی و معنوی باغلاری گوجله‌ندیره‌ن بیر کؤرپودور.



ایلگیلی‌لی خبرلر