قازاقیستان‌دا مانور

۳ مین عسگرین ایشتیراکی ایله بئش تعلیم ساحه‌سی و ایکی تعلیم مرکزین‌ده تشکیل اولونان مانور چرچیوه‌سین‌ده ۵۰۰دن چوخ حربی تکنیک ایستیفاده ائدیلدی

قازاقیستان‌دا مانور

قازاقیستان‌دا، "کوللئکتیو گوونلیک آنلاشما هؤرگوتونه" عضو اؤلکه‌لرین قاتیلدیغی "پویسک ۲۰۱۸" حربی تاکتیک و اؤزل مانورو باشا چاتدی.

قازاقیستان ساوونما باخانلیغین‌دان وئریلن یازی‌لی آچیقلامادا، جامبیل ایالتین‌ده اوتار حربی مرکزینده بازار ارته‌سی گونو باشلایان مانورون مقصدینین عضو اولان اؤلکه‌لرین حربی بیریم‌لرینین بیرلیک‌ده چالیشابیلیرلیکلرینی گلیشدیرمک، اورتاق هدفلری یئرینه یئتیرمک و ساواش کووردیناسیونونو تامین ائتمک اولدوغو ایفاده ائدیلدی.

آچیقلامادا، ۳ مین عسگرین ایشتیراکی ایله بئش تعلیم ساحه‌سی و ایکی تعلیم مرکزین‌ده تشکیل اولونان مانور چرچیوه‌سین‌ده ۵۰۰دن چوخ حربی تکنیکین ایستیفاده ائدیلدیگی بیلدیریلدی.

مانورون کشف بیریملرینین گئجه آتیشی ایله سونا چاتدیغی ایفاده ائدیلرکن، کوللئکتیو گوونلیک آنلاشما هؤرگوتو بیرلشمیش سلاح‌لی قوه‌لرینین باشقانی ژنرال آناتولی سیدورووون مانورو اوغورلو اولاراق دیرلندیردیگی قید ائدیلدی.

مانورا قازاقیستان، قیرقیزیستان، تاجیکیستان، روسیا، بلاروس و ارمنیستان‌دان استخبارات و اؤزل قوه‌لری ایشتیراک ائتدی.


اتیکتلر: قزاقستان , مانور

ایلگیلی‌لی خبرلر