داشکند-سمرقند یولونو تورکیه شیرکتلری چئکه‌جک

داشکند-سمرقند یولو آراسی، بو پروژه‌نین حیاتا گئچیریلمه‌سینین آردین‌دان ۲ ساعاتا ائنه‌جک

داشکند-سمرقند یولونو تورکیه شیرکتلری چئکه‌جک

تورکیه شیرکتلری بیرلیگی، اؤزبکیستان مقاملاری ایله باشکند داشکند ایله تاریخی سمرقند شهرلرینی بیرلشدیره‌جک اولکه‌ده‌کی ایلک پول‌لو اوتوبان پروژه‌سینین آیرینتیلارینی مذاکیره ائتدی.

اؤزبکیستان دؤولت یاتیریم کمیته‌سین‌دن وئریله‌ن معلوماتا گؤره، کمیته باشقان 1.جی یاردیمچیسی لازیز کودراروو، جنگیز-کولین-کالیون تورک شیرکتلری بیرلیگی یئتکیلیلری ایله بیر آرایا گله‌رک اؤلکه‌ده اینشا ائدیله‌جک ایلک پول‌لو اوتوبان پروژه‌سینین آیرینتیلارینی مذاکیره ائتدی.

آچیقلامایا گؤره، اؤزبکیستانین ایلگیلی باخانلیق و دؤولت قوروملارینین یئتکیلیلرینین ده ایشتیراک ائتدیگی گؤروشمه‌ده، تورکیه طرفی پروژه ایله باغلی تکلیفلرینی سونارکن، اؤزبکیستان یئتکیلیلری ده پروژه‌یه دایر فیکیرلرینی بیلدیردی. گؤروشمه‌ده اوتوبانین گئچه‌جگی مسیر، شوسئ اینشاتینین اکیم اراضیلری، یایلاق و چئوره‌یه تأثیرینین مینیموما ائندیریلمه‌سی مسئله‌لری ده گؤزدن گئچیریلدی.

اؤلکه‌ده‌کی ایلک پول‌لو اوتوبان اولماسی پلانلاشدیریلان داشکند-سمرقند یولونون تیکینتی‌سینه دایر آنلاشمانین پرزیدنت رجب طیب اردوغانین آوریل آیین‌دا اؤزبکیستانا حیاتا گئچیردیگی رسمی سفر زامانی ائدیلدیگی خاطیرلادیلارکن، بونا گؤره اوتوبانین ۲۰۱۹-۲۰۲۰.جی ایللرده حیاتا گئچیریلمه‌سینین اؤن گؤرولدوگو وورغولاندی.

پروژه‌یه گؤره، حاضردا ۳،۵-۴ ساعات‌دا گئدیلن داشکند-سمرقند یولو، بو پروژه‌نین حیاتا گئچیریلمه‌سینین آردین‌دان ۲ ساعاتا ائنه‌جک.



ایلگیلی‌لی خبرلر